आफ्नो पक्षमा युद्धरत भारतीय नागरिक फिर्ता गर्ने रुसी प्रतिबद्धता

काठमाडौं । रुसले आफ्नो पक्षबाट युद्धमा होमिएका भारतीयहरुलाई फिर्ता गर्ने प्रतिबद्धता जनाएको छ । बेलायती मिडिया बीबीसीका अनुसार भारतीय विदेश मन्त्रालयले यस्तो जानकारी सार्वजनिक गरेको हो । हालसालै मोदीको मस्को भ्रमण पछि यस्तो खबर आएको हो ।

नेपालका लागि राजदूतसमेत भइसकेका पिनयमोहन क्वात्राले भारतीय पत्रकारहरुसँग कुरा गर्दै मोदीले भारतीयलाई फिर्ता गर्ने मुद्दा बलियो गरी उठाएको बताएका हुन् ।

उनले भनेका छन्, ‘रुसले रुसी फौजको सेवामा भएका भारतीयहरुलाई चाँडै फिर्ता गर्ने बताएको छ ।’ रुसी फौजमा जोडिएका अधिकांश भारतीयहरु सहयोगीको भूमिकामा रुस पुगेको भारतीय मिडिया तथा पश्चिमा मिडियाहरुले उल्लेख गरेका छन् ।

भारतका चार जनाले रुसको पक्षमा लढ्दा मृत्युवरण गरेको औपचारिक पुष्टि भइसकेको छ । भारतीयहरु रुसी फौजमा भएको पहिलो खबर नेपाल प्रेसले गत वर्ष सार्वजनिक गरेको थियो । रुसी फौजमा काम गर्ने एक नेपालीले नेपाल प्रेससँग अन्तरवार्ता दिएर यसको पुष्टि गरेका थिए ।

थप समाचार

प्रचण्डले देशलाई संकटमा हालेका थिए, ओलीले सुधारेः शंकर पोखरेल

स्पेनबाट कुलमानको सन्देशः सही नेतृत्व नहुँदासम्म देश अघि बढ्दैन

कुशे औंसीः पितृ सम्मान र कुश भित्र्याइँदै

विज्ञहरू भन्छन् – ‘नेपालको समृद्धिका लागि चीनको साथ अपरिहार्य’

अस्ट्रेलियाद्वारा प्यालेस्टिनी राज्यलाई मान्यता दिने योजना घोषणा

विपिन जोशीको अवस्था अझै अज्ञात, रिहाइको पहल गर्न आमा र…