बागलुङ बस दुर्घटनाः मृतकको संख्या ८ पुग्यो, घाइते २४ मध्ये अधिकांश सिकिस्त (भिडियोसहित)

खोज पत्रिका सोमवार, २०८० चैत्र ५, २१ :४१ बजे

बागलुङ । जिल्लाको निसीखोलामा सोमबार साँझ भएको बस दुर्घटनामा मृत्यु हुनेको संख्या ८ पुगेको छ। घटनास्थलमै ७ जनाको मृत्यु भएको र अर्का एकजनाको उपचारका लागि लैजाँदै गर्दा मृत्यु भएको प्रहरीले जनाएको छ ।

घाइते भएका २४ जनालाई बुर्तिबाङ प्राथमिक स्वास्थ्य केन्द्रमा लगिएको छ । इलाका प्रहरी कार्यालय बुर्तिबाङका प्रमुख राजकुमार विकका अनुसार दुर्घटनामा मृत्यु भएकाको शव सङ्कलन भइरहेको छ। मृतकमध्ये चार जना पुरुष र चार महिला रहेको बताइएको छ। मृतकको सनाखत हुन सकेको छैन ।

रुकुम पूर्वबाट काठमाडौँका जाँदै गरेको बागमती प्रदेश ०१–००६ ख ३८७९ नंको बस सोमबार साँझ बागलुङको निसीखोला गाउँपालिका–६ स्थित जाउलेपानीमा दुर्घटना भएको थियो । घाइतेमध्ये २३ जनाको अवस्था गम्भीर रहेको छ । बस सडकबाट करिब तीन सय मिटर तल खसेको छ।