पाकिस्तानको बलुचिस्तान जिल्लामा सरकारी भवन र सेनामाथि आक्रमण

खोज पत्रिका आइतवार, २०८० असार ३, ०८ :२४ बजे

क्वेटा । बलुचिस्तानका पञ्जगुर र केच जिल्लाहरूमा पाकिस्तानी सरकारी भवन र सेनामाथि आक्रमण भएको द बलुचिस्तान पोस्टले समाचार लेखेको छ। समाचार अनुसार चीन—पाकिस्तान आर्थिक कोरिडोर मार्गमा पञ्जगुर ग्रेड स्टेशनमा पाकिस्तानी सेनाको गाडीलाई लक्षित गरी बम आक्रमण भएको थियो।

बलुचिस्तान पोस्ट द्वारा उद्धृत स्थानीय स्रोतहरूका अनुसार, विस्फोटले पाकिस्तानी सेना घाइते भएका छन् र उनीहरूको एउटा गाडीमा क्षति भएको छ। तर, सरकारका प्रतिनिधिले भने यसबारे कुनै प्रतिक्रिया दिएका छैनन् ।

हमलाको लगत्तै, धेरै अतिरिक्त पाकिस्तानी सैन्य गाडीहरू घटनास्थलमा पुगेका थिए र तुरुन्तै क्षेत्रलाई घेरेका छन्। पछि, बलुच लिबरेशन आर्मी (बीएलए), एक सशस्त्र स्वतन्त्रता समर्थक संगठनले आक्रमणको जिम्मेवारी लिएको थियो। बीएलएका प्रवक्ता जियान्द बलोचका अनुसार आक्रमणमा दुई पाकिस्तानी सेनाको मृत्यु भएको छ भने तीन जना घाइते भएको दाबी गरेका छन् ।

क्याटेगोरी : विदेश, समाचार