जी–२० सम्मेलनले सिलगढीको पर्यटन बढ्ने विश्वास

खोज पत्रिका बिहिबार, २०७९ चैत्र १६, १४ :१६ बजे

सिलगढी । भारतको अध्यक्षतामा भईरहेको जी–२० सम्मेलन अन्र्तगत तीन दिने दोस्रो पर्यटन समूहको बैठक अप्रिल १ देखि ३ सम्म सिलगढी र दार्जिलिङमा सुरु हुँदैछ। सिलगढीलाई चिया बगान र जङ्गलले घेरिएको हिमालयको फेदमा अवस्थित उत्तरपूर्वको प्रवेशद्वार भनेर चिनिन्छ। यो शहर आतिथ्यताको लागि पनि प्रसिद्ध छ।

सिलगढी जी–२० का प्रतिनिधि मण्डललाई स्वागत गर्न तयार छ। नागरिक प्राधिकरणले जी–२० प्रतिनिधिहरू आयोजना गर्नु अघि शहरको सौन्दर्य निर्माणमा विशेष ध्यान दिएको छ । अधिकारीहरूका अनुसार तीन दिने बैठकले हरित पर्यटन, एमएसएमई वित्त उपलब्धता, पर्यटनमा डिजिटलाइजेसन, सीप विकास र साहसिक पर्यटनका विषयमा केन्द्रित हुनेछ।

प्रतिनिधिहरूले चिया बगान, रमणीय पहाडी क्षेत्रहरू लगायत विभिन्न पर्यटकीय गन्तव्यहरूको भ्रमण गर्नेछन् । फेब्रुअरी ७ देखि ९ सम्म गुजरातको कच्छको रणमा पहिलो पर्यटन कार्य समूहको बैठक सफलतापूर्वक सम्पन्न भयो।

क्याटेगोरी : विदेश, समाचार