अभिनेत्री निशा अधिकारीले दिइन क्रिकेटर शरद भेषावकरलाई अशंबण्डाको मुद्धा

खोज पत्रिका आइतवार, २०७९ फाल्गुन २१, २१ :२५ बजे

क्रिकेटर शरद भेषावकर र अभिनेत्री निशा अधिकारीबीचको वैवााहिक सम्बन्धमा दरार आएको छ । अभिनेत्री निशाले काठमाडौं जिल्ला अदालतमा शरदविरुद्ध अंश मुद्दा दायर गरेपछि उनीहरुबीच सम्बन्धमा दरार आउन लागेको संकेत देखिएको छ ।

एकल सन्तानका रुपमा रहेका नाबालक छोरा समेतलाई अंश भाग लगाउन माग गर्दै निशाले मुद्दा हालेकी छन् । न्यायाधीश कमलप्रसाद ज्ञवालीको इजलासले आइतबार सम्पत्तिको फाँटबारी माग गर्ने आदेश दिएको छ ।

केही वर्षको प्रेम सम्बन्धपछि शरद र निशा २०७४ सालमा विवाह बन्धनमा बाँधिएका थिए । निशाले अमेरिकामा गएर २०७५ मा छोरालाई जन्म दिएकी थिइन् ।

अहिले निशा र शरद दुवै नेपालमै बस्दै आएका छन् । अदालतमा निशाले सम्बन्धविच्छेदको मुद्दा भने दिएकी छैनन् । सम्बन्धविच्छेद नगरिकन पनि श्रीमतीले अंश माग गर्न सक्ने कानूनी प्रावधान छ ।

क्याटेगोरी : जीवनशैली, प्रमुख समाचार, समाचार, सामाजिक सञ्जाल
ट्याग : #अभिनेत्री निशा अधिकारी, #शरद भेषावकर