सुनको मूल्यमा उच्च रेकर्ड, छापावाला सुन तोलाको १ लाख ७ हजार ५ सयमा कारोबार

खोज पत्रिका बिहिबार, २०७९ माघ १९, १७ :३४ बजे

काठमाडौं । बिहीबार सुनको मूल्यमा अहिलेसम्मकै उच्च रेकर्ड कायम भएको छ। नेपाल सुनचाँदी व्यवसायी महासंघका अनुसार आज एकैदिन तोलामा १ हजार २ सय रुपैयाँले बढेर छापावाल सुन १ लाख ७ हजार ५ सय रूपैयाँमा कारोबार भएको हो ।

यस्तै तेजावी सुनको मुल्य भने १ लाख ७ हजार रूपैयाँ पुगेको छ । बुधवार छापावाल सुनको कारोबार तोलाको १ लाख ६ हजार ३०० रुपैयाँमा ‍भएको थियो। यसअघि अघिल्लो साता मात्रै पनि सुनले उच्च मुल्यको रेकर्ड कायम गरेको थियो ।

यस्तै, चाँदीको मूल्य पनि बढेको छ। बिहीबार चाँदी तोलामा २५ रुपैयाँले बढेर प्रतितोला एक हजार ३ सय ९५ रुपैयाँ कायम भएको छ। बुधवार चाँदी प्रतितोला एक हजार ३ सय ७० रुपैयाँमा कारोबार भएको थियो।

क्याटेगोरी : अर्थ, प्रमुख समाचार, समाचार