दाङको जुत्ता गोदाममा आगलागी हुँदा ५ जनाको मृत्यु

खोज पत्रिका शुक्रबार, २०७८ माघ २८, ०८ :५९ बजे

दाङ । जिल्लाको तुलसीपुर उपमहानगरपालिका– ५ ‘ङ’ लाइनस्थित जुत्ता–चप्पल गोदाममा आगो लाग्दा ५ जनाको ज्यान गएको छ। इरम फुटवेयर चप्पल गोदाम रहेको चार तले घरमा मध्यराती भएको आलगागीमा परि ५ जनाको मृत्यु भएको हो ।

घरभित्र तीनदेखि पाँच जनासम्म मानिस फसेको हुनसक्ने स्थानीयले आशंका गरेका थिए। सोही अनुसार ४ पुरूष र १ बालिकाको शव निकालेको हो । शवलाई राप्ती प्रादेशिक अस्पताल पठाइएको छ । इलाका प्रहरी कार्यालय तुलसीपुर, नेपाली सेना, सशस्त्र प्रहरी, स्थानीय तथा तुलसीपुर र घोराही उपमहानगरपालिकाको दमकलले आगो नियन्त्रणमा लिएको हो।

बिहान पौने दुई बजेतिर गस्तीमा गएको प्रहरीको टोलीले आगो लागेको देखेका थिए। त्यसपछि नियन्त्रणका लागि प्रयास भए पनि करिब ५ घन्टापछि मात्र आगो नियन्त्रणमा आएको हो । विद्युत सर्ट भएर आगो लागेको हुनसक्ने प्रहरीको प्रारम्भीक अनुमान छ।

क्याटेगोरी : देश/दुनियाँ, प्रमुख समाचार, समाचार
ट्याग : #जुत्ता–चप्पल गोदाम