गायक राजेश पायल राईलाई विमानस्थलमा भब्य स्वागत, देखिए यस्ता रोचक तस्बीर

खोज पत्रिका बिहिबार, २०७८ पुस २९, २२ :१० बजे

काठमाडौं । अमेरिकाको सांगीतिक भ्रमण सकेर स्वदेश फर्किएका गायक राजेशपायल राईलाई काठमाडौंको त्रिभुवन अन्तराष्ट्रिय बिमानस्थलमा भब्य स्वागत गरिएको छ । बिमानस्थलमा पुग्दा राष्ट्रिय झण्डा सहित कलाकार तथा शुभचिन्तक बिमानस्थलमा पुगेका थिए । उनको स्वागतमा संगीतकर्मी र फ्यानहरु प्लेकार्ड, ब्यानर, राष्ट्रिय झण्डा र बाइकसहित विमानस्थलमा पुगेका थिए ।

मालाले पुरिएका राजेशपायलले हातले स्वागतमा जुटेकाका सबैलाई धन्यवाद दिएका थिए । कुनै कलाकार विदेश भ्रमणमा जानु र फर्कनु सामान्य प्रक्रिया हो । तर, राजेश पायल राईको यसपटक स्वदेश आगमन सामान्य कुरा चाहिँ थिएन ।

न्यूयोर्कमा आयोजित कन्सर्टमा एक फ्यानले दुब्र्यबहार गरेपछि चर्चामा आएपछि राजेशपायलसँग धेरै फ्यानको भावना जोडिएको थियो । सोही भावनाले डोर्याएका उनका फ्यानहरु राष्ट्रियझण्डा बोकेर एयरपोर्टमा पुगेका थिए । उनीले गलाभर माला लगाएर हसिलो मुद्रामा बिमानस्थलबाट बाहिरिएका थिए ।