अमेरिकाको फिलाडेल्फियामा आगलागी हुँदा १३ जनाको मृत्यु

काठमाडौं । अमेरिकाको फिलाडेल्फियामा रहेको एउटा अपार्टमेन्टमा आगलागी हुँदा ७ जना बालबालिका सहित १३ जनाको मृत्यु भएको छ। घटनामा कयौं मानिस घाइते भएको त्यहाँको अग्नी नियन्त्रण विभागले जनाएको छ।

सर्वसाधारणको आवासीय अपार्टमेन्टको रहेको सो भवनमा स्थानीय समय अनुसार विहान ६ बजे आगलागी भएको हो । आगलागी हालसम्मकै भयानक भएको अग्नी विभागका प्रमुखले बताएका छन्। आगलागीको समयमा सो तीन तल्ले भवनमा २६ जना रहेको अनुमान गरिएको छ। त्यसमध्ये ८ जनालाई सकुशल नै उद्दार गरिएको छ।

आगलागी कसरी शुरुभयो भन्ने कुरा शंकास्पद नै रहेको छ। घटनाका विषयमा छानविन भइरहेको अधिकारीहरुले जनाएका छन्। बालबालिकासहित ठूलो संख्यामा मानवीय क्षति भएकाले फिलाडेल्फिया शहरकै लागि सबैभन्दा दुःखद दिन भएको त्यहाँका मेयर जिम केन्नीले बताएका छन्।

थप समाचार

एनआरएनएका पदाधिकारीहरु कुनैपनि राजनीतिक दल तथा भ्रातृ संगठनहरुमा आवद्ध नहुने

रविको सङ्गठित अपराध मुद्दा फिर्तासम्बन्धी रिटमा आजपनि सुनुवाइ, फैसला आउनसक्ने

समानुपातिक सांसदलाई आज प्रमाणपत्र प्रदान गरिंदै

किन आयो कांग्रेस सभापति गगन थापाको राजीनामा ?

युद्धको भिडियो र फोटो सामाजिक सञ्जालमा हाल्ने ६ नेपाली पक्राउ,…

सेवा प्रवाह प्रभावकारी बनाउन काठमाडौं प्रशासनमा ‘सार्वजनिक सम्बोधन प्रणाली’ लागू