आइतबार शेयर बजार परिसूचक नेप्से बढ्यो

खोज पत्रिका आइतवार, २०७८ कार्तिक १४, २० :३१ बजे

काठमाडौं । अघिल्लो सातादेखि बढ्न सुरु गरेको शेयर बजार परिसूचक नेप्से बढ्ने क्रमले आइतबार पनि निरन्तरता पाएको छ । नेप्से ५५ दशमलव पाँच शुन्य अंकले बढेर २ हजार ८ सय ३७ दशमलव छ एक अंकमा पुगेको छ ।

बजारमा क वर्गका परिसूचकहरुको मापन गर्ने सेन्सेटिभ इन्डेक्स ९ दशमलव चार छ अंकले बढेको छ । नेप्से उच्च अंकले बढेपनि बजारमा क वर्गका परिसूचकको अधिकाँश हिस्सा ओगट्ने वाणिज्य बैंक समूहको परिसूचकमा भने गिरावट आएको छ । बाँकी सबै समूहको परिसूचकमा सुधार आएको छ ।

आइतबार बजारमा २ सय ३२ कम्पनीका १ अर्ब ३८ करोड ९९ हजार ३ सय २२ कित्ता शेयर ८१ हजार ९ सय ३५ पटक खरिदबिक्री हुँदा ७ अर्ब ८२ करोड ३२ लाख रुपैयाँ बराबरको कारोबार भएको छ । बजारमा दुई दर्जन कम्पनीका लागनीकर्ताले आठ प्रतिशतभन्दा बढीका दरले कमाएका छन् ।

क्याटेगोरी : अर्थ, समाचार
ट्याग : #शेयर बजार परिसूचक नेप्से