पहिरोले घर पुरिँदा बागलुङमा तीन जनाको मृत्यु

खोज पत्रिका सोमवार, २०७६ साउन २०, ०८ :२९ बजे

बागलुङ २० साउन । जिल्लाको तमानखोला गाउँपालिका–४ लामेलामा पहिरोले घर पुरिँदा तीन जनाको ज्यान गएको छ । अविरल वर्षापछि आइतबार राति १ बजे तिर आएको पहिरोले लामेलामा घर पुरिँदा स्थानीय ४५ वर्षीया सन्तकुमारी सिर्पाली, ७० वर्षीया अन्सारी सिर्पाली र १२ वर्षीय प्रविण सिर्पालीको ज्यान गएको हो । पहिरोले अन्य ९ वटा घरमा क्षति पर्‍याएको छ । पहिरोमा पुरिएका ७ जनाको स्थानीय र प्रहरीले उद्धार गरेको र घाइतेको अवस्था सामान्य रहेको जनाइएको छ ।

क्याटेगोरी : देश/दुनियाँ, प्रमुख समाचार, समाचार
ट्याग : #pahiro