भिडियो खिच्दा नै नेइमारको झगडा, प्रशिक्षकले गरे कडा आलोचना

काठमाडौं १७ बैशाख । फ्रेन्च क्लब पेरिस सेन्ट–जर्मेन पिएसजीका प्रशिक्षक थोमस टुसिलले क्लबका स्टार खेलाडी नेइमारको कडा आलोचना गरेका छन् । दर्शकहरुसँग गरेको बादबिवादका लागि प्रशिक्षक टुसिलले नेइमारको कडा आलोचना गरेका हुन् । फ्रेन्च कप फुटबलको फाइनलमा पिएसजी रेनसँग पराजित भएको थियो । शनिबार राति भएको फाइनलमा पिएसजीले २–० को अग्रता लिएको थियो, तर निर्धारित र अतिरिक्त समयको खेल २–२ को बराबरीमा पुग्यो । त्यसपछि टाइब्रेकरमा पिएसजी ६–५ ले पराजित भयो । खेल सकिएपछि मैदानबाट बाहिरिने क्रममा नेइमारले दर्शकसँग विवाद गरेका थिए । पिएसजीका खेलाडी मैदानबाट बाहिरिँदै गरेको एक दर्शकले आफ्नो मोबााइल मार्फत भिडियो खिचिरहेका थिए । त्यो देखेका नेइमार विवाद गर्न पुगेका हुन् । प्रशिक्षक टुसिलले भनेका छन्, ‘दर्शकसँग झगडा गर्न मिल्दैन । कुनै पनि हालतमा हुँदैन ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्