वेल्स विजयी,जर्मनी बराबरीमा रोकियो

काठमाडौं ७ चैत ।अन्तर्राष्ट्रिय मैत्रीपूर्ण फुटबल अन्तर्गत बुधबार राति भएको खेलमा बुधबार राति नै भएको अर्को मैत्रीपूर्ण खेलमा वेल्सले ट्रिनिडाड एण्ड टोबाकोलाई पराजित गरेको छ । इन्जुरी समयको दोस्रो मिनेटमा बेन वुडबर्नले गरेको गोलको सहयोगमा वेल्सले जित निकालेको हो । यस्तै, जर्मनी सर्बियासँग बराबरीमा रोकिएको छ । पहिलो हाफमा १–० ले पछि परेको जर्मनीले दोस्रो हाफमा गोल फर्काउँदै हारबाट जोगिएको हो । १२ औँ मिनेटमा लुका जोविकले गोल गर्दै सर्बियालाई सुरुवाति अग्रता दिलाए । जर्मनीका लागि लियोन गोरेट्ज्काले ६९ औँ मिनेटमा बराबरी गोल फर्काएका थिए । यो खेलमा जर्मनीका लिरोय साने गम्भीर चोटबाट जोगिए । सर्बियाका खेलाडीले गम्भीर फउल गरे पनि सानेलाई चिन्ताजनक चोट नलागेको प्रशिक्षक योआखिम लोले बताए । सानेलाई खेलको ९३ औँ मिनेटमा मिलन पाभकोभले फउल गरेका हुन् । उनले सीधै रातो कार्ड पाएका थिए ।

थप समाचार

संक्रमणकालिन अवस्थाको गम्भीर असर मुलुकको आर्थिक वृद्धिदरमा पर्ने

५ हजार कैदी अझै फरारः खोजतलासका लागि कार्यदल गठन

गृहमन्त्रीले जेन–जीका माग पूरा गर्दैनन्ः सुदन गुरुङ

सुशासन र सुरक्षाका चुनौतीबीच दृढ नेतृत्व प्रदर्शन गर्नेछुः महानिरीक्षक कार्की

नेशनल आइडी कार्ड बनाएका नेपालीले मतदाता नामावली संकलन गर्न अनलाइन…

इप्पान अध्यक्ष कार्की भन्छन्ः १० महिना भइसक्यो, वनमा छिर्न पाइँदैन,…