मंगलध्वनि र शंखनादपछि १२:३४ को शुभसाइतमा बालेनले लिए प्रधानमन्त्रीको शपथ

काठमाडौं । प्रधानमन्त्री बालेन्द्र शाहले १२:३४ को शुभसाइतमा शपथग्रहण गरेका छन् । राष्ट्रपति कार्यालय शीतलनिवासमा आयोजना गरिएको विशेष समारोहमा उनले पद तथा गोपनीयताको शपथ लिए ।

शपथग्रहणका लागि ज्योतिषीलाई साइत हेराएर १२:३४ को समय तय गरिएको थियो । ठ्याक्कै त्यही समयमा प्रधानमन्त्रीको शपथ ग्रहण सुरू गरियो ।

प्रधानमन्त्रीको शपथ ग्रहण समारोह यसपटक परम्परागतभन्दा केही पृथक रह्यो । शपथअघि सात जना ब्राम्हण पुजारीले मन्त्रोच्चारणका साथ संखध्वनी गरेका थिए । १०७ जना बटुक र १०७ जना बौद्ध लामाहरूले मंगलवाचन पाठ गरेर कार्यक्रममा आध्यात्मिक माहोल सिर्जना गरे ।

शाहको शपथ समारोहका लागि तयार मञ्चमा लिम्बू समुदायको मौलिक सांस्कृतिक प्रतीक सिलाम साक्मा राखिएको छ । सिलाम साक्मा मृत्युको बाटो छेक्ने र सुरक्षा कवचको रूपमा विश्वास गरिन्छ । घरमा यसको प्रतिमा राख्दा प्राकृतिक विपत्तिबाट जोगिने विश्वास छ ।

संसदको सबैभन्दा ठूलो दलको संसदीय दलको नेताको हैसियतमा राष्ट्रपति रामचन्द्र पौडेलले बालेनलाई संविधानको धारा ७६ को उपधारा १ बमोजिम प्रधानमन्त्रीमा नियुक्त गरेका हुन् ।

थप समाचार

बालेन शाह प्रधानमन्त्रीमा नियुक्त

ह्वाइट हाउसद्वारा इरानमाथि ‘नर्क निम्त्याउने’ चेतावनी

बालेनलाई बाबुरामको शुभकामनाः अब कसैको देवत्वकरण र दानवीकरण नगरौँ

नयाँ प्रधानमन्त्री बालेनको शपथ आज, मन्त्रीहरुले पनि शपथ लिने

कांग्रेसले भन्यो–कार्की आयोगको प्रतिवेदन अपूर्ण

बालेनलाई प्रधानमन्त्री बन्न बाटो खुल्यो, रास्वपाले बनायो संसदीय दलको नेता