समानुपातिक सांसदको नाम टुंग्याउन रास्वपा र राप्रपाको बैठक बस्दै

खोज पत्रिका आइतवार, २०८२ चैत्र १, १० :३७ बजे

काठमाडौँ । निर्वाचनबाट आरामदायी बहुमत प्राप्त गरेको राष्ट्रिय स्वतन्त्र पार्टीले आज आफ्ना समानुपातिक सांसदहरुको टुंगो लगाउँदैछ ।

पार्टीको सचिवालय बैठक बसेर निर्वाचन आयोगले दिएको कोटा अनुसार सांसदहरु सिफारिस गर्न लागिएको हो । रास्वपाले समानुपातिकमा ५७ सिट जितेको छ, जसमा ४८ जना महिला र ९ जना पुरुष सांसदहरु निर्वाचन गर्नुपर्ने हुन्छ ।

समानुपातिक सांसद छनोटका लागि हिजो सचिवालय वैठक डाकिएको भए पनि सभापति रवि लामिछानेको अस्वस्थताका कारण आजका लागि सारिएको थियो । केहीबेरमा पार्टी कार्यालय घन्टीघरमा बैठक सुरु हुँदैछ ।

राष्ट्रिय मान्यताप्राप्त पाचौँ दल राष्ट्रिय प्रजातन्त्र पार्टीले पनि समानुपातिक सांसद छान्न आजै कार्यसम्पादन समितिको बैठक डाकेको छ । पार्टी कार्यालयमा ११ बजेदेखि बैठक सुरु हुने महामन्त्री राजेन्द्र गुरुङले जानकारी दिए ।

क्याटेगोरी : जनगुनासो, प्रमुख समाचार, राजनीति, विचार/लेख, समाचार