राष्ट्रियसभाका कर्णाली प्रदेशका उम्मेद्वार मत माग्न रुकुमपश्चिममा, जिल्लाका नेताहरुसँग समेत छलफल !

काठमाडौं । माघ ११ गते हुने राष्ट्रिय सभा निर्वाचनका लागि कर्णाली प्रदेशका गठबनधनका उम्मेद्वार रुकुमपश्चिम पुगेका छन् । राष्ट्रिय सभामा उम्मेद्वार बनेका नेपाली कांग्रेसका तर्फबाट कर्णाली प्रदेशका महामन्त्री कृष्णबहादुर रोकायाको गृहजिल्लामा गठबन्धनका उम्मेद्वार मत माग्न पुगेका हुन् । उम्मेद्वार रोकायासँगै नेकपा माओवादी केन्द्रका तर्फबाट बिष्णुबहादुर विक र नेकपा एकीकृत समाजवादीका तर्फबाट साबित्रि मल्लले तीन वटा नगरपालिकाका प्रमुख र उपप्रमुख अनि तीन गाउँपालिकाका अध्यक्ष र उपाध्यक्षसँग छलफल गरेका हुन् ।

मुसिकोट नगरपालिकामा आइतबार आयोजना गरेको अन्र्तक्रिया कार्यक्रममा जिल्लाका ६ वटै स्थानीय सरकारका प्रमुख र उपप्रमुखहरुको सहभागिता रहेको थियो । जिल्ला समन्वय समिति रुकुमपश्चिमकी प्रमुख लुम्बीनी गौतम केसीको अध्यक्षतामा भएको कार्यक्रममा जिल्लाका गठबन्धन दलका नेताहरुको सहभागिता थियो ।

कार्यक्रममा मुसिकोट नगरपालिकाका प्रमुख महेन्द्र केसीले गठबन्धनका उम्मेद्वारलाई जिताउन सबै लाग्नुपर्ने बताए । कार्यक्रममा आठविसकोट नगरपालिकाका प्रमुख रवि केसी, चौरजहारी नगरपालिकाका प्रमुख पुष्प बादी, सानीभेरी गाउँपालिकाका अध्यक्ष विर्खबहादुर बिष्ट, त्रिबेनी गाउँपालिकाका अध्यक्ष गणेशकुमार केसी र बाँफिकोट गाउँपालिकाका अध्यक्ष जनक बाँठाले गठबन्धनका उम्मेद्वारलाई जितको शुभकामना दिएका थिए । मतदाताहरुले प्रभावकारी काममा लागि अपेक्षा गरेको समेत बताएका थिए ।

गृहजिल्ला पुगेका राष्ट्रियसभाका उम्मेद्वार कृष्णबहादुर रोकायाले आफू कर्णाली प्रदेशका दश वटै जिल्लाको उम्मेद्वार रहेको बताए । उनले धेरैपछि रुकुमपश्चिम कांग्रेसले टिकट पाएको भन्दै सहयोग गर्ने सबैलाई धन्यवाद समेत दिए ।

सत्ता गठबन्धनका साझा उमेद्वारहरुले कर्णालीका बिभिन्न जिल्लामा पुगेर प्रदेश सभा सदस्य, नगरपालिकाका प्रमुख, उपप्रमुख र गाउँपालिकाका अध्यक्ष र उपाध्यक्षहरुसँग भेटघाट र छलफल गरिरहेका छन् । सत्ता गठबन्धनका साझा उम्मेद्वारहरुलाई जिताउन आफूहरु लाग्ने जिल्लाका नेताहरुले पनि प्रतिबद्धता जनाएका छन् ।

कार्यक्रमको सञ्चालन नेपाली कांग्रेस रुकुमपश्चिमका सचिव परमेश्वर भण्डारीले गरेका थिए । यसअघि सत्ता गठबन्धनका उम्मेद्वारले दैलेख र सल्यानका मतदाता र नेताहरुसँग पनि छलफल गरेका थिए ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्