रुकुमपश्चिमको मुसिकोट नगरमा उपप्रमुद्धारा शिक्षा शाखा प्रमुखमाथि हातपात !

काठमाडौं । रुकुम पश्चिमको मुसिकोट नगरपालिकामा उपप्रमुख बिमलकुमार पुनले शिक्षा शाखा प्रमुख नरेन्द्र ओलीमाथि हातपात तथा दुब्र्यवहार गरेका छन् । त्रिभुन जनता माध्यामिक बिद्यालयको लेखा बिषयको परिक्षाको तयारी गरिरहेका ओलीमाथि हातपात गरेको आरोप लागेको छ । प्रमुख प्रशासकिय अधिकृतको कार्यकक्षमा भएको हातपातले बिद्यालयको परिक्षा नै रोकिएको छ । तर, उपप्रमुख पुनले भने आफूले हातपात नगरेको दाबी गरेका छन् ।

रुकुमपश्चिमको मुसिकोट नगरपालिकाका उपप्रमुख बिमलकुमार पुनले शिक्षा शाखा प्रमुख नरेन्द्र ओलीमाथि हातपात तथा दुब्र्यवहार गरेको घटना बाहिरिएको छ । शनिबार त्रिभुवन जनता माध्यामिक विद्यालयको उच्च माध्यामिक तहको लेखा विषयको शिक्षक पदपुर्तीको लागि परिक्षा तोकिएको थियो । निमित्त प्रमुख प्रशासकिय अधिकृत बिनाराम खड्काको कार्यकक्षमा परिक्षा सम्बन्धि काम भइरहेका बेला प्रवेश गरेका उपप्रमुख पुनले ओलीमाथि हातपात गरेका थिए ।

परिक्षा गर्दा आफूसँग समन्वय नै नगरी परिक्षा गर्न लागेको भन्दै आफूमाथि हातपात र मार्छु भन्दै धम्की दिएको ओलीले गुनासो गरेका छन् । सो घटना हुँदा विद्यालय व्यवस्थापन समितिका अध्यक्ष नरेन्द्र केसी, प्रधानाध्यपक गोपिराम केसी, निमित्त प्रमुख प्रशासकीय अधिकृत बिनाराम खड्का थिए । अध्यक्ष केसी र निमित्त प्रमुख प्रशासकिय अधिकृत खड्काले सामाजिक सञ्जालमा ओलीमाथि हातपात भएको उल्लेख गरेका छन् ।

कुनै पनि बिषयमा मतमतान्तर र असहमति हुनु स्वभाविक भएपनि आफू मातहत रहेका कर्मचारीलाई हातपात गर्नु गलत भएको खड्काले उल्लेख गरेका छन् । अध्यक्ष केसीले पनि ओलीमाथि हातपात भएकै कारण परिक्षा स्थगित भएको जनाएका छन् । नगर प्रमुख महेन्द्र केसीले परिक्षाको तयारी गरिरहेका ओलीमाथि उपप्रमुख पुनबाटै हातपात हुनु निन्दनीय भएको भन्दै काम गर्ने वातावरण नविगार्न सबैलाई आग्रह गरेका छन् ।

प्रमुख प्रशासकिय अधिकृतको कार्यकक्षमा सिसिटिभी क्यामरा जडान नभएपनि ढोका नेर भएको सिसिटिभी फुटेजमा उपप्रमुख पुन निक्कै आक्रामण शैलीमा अश्लिल गाली गरेको प्रष्टै सुनिन्छ । तर, उपमेयर पुनले आफू नभएको बेला बिद्यालयमा आफू निकट ब्यक्तीलाई आर्थीक चलखेल गरेर शिक्षक नियुक्ती गर्न खोजेको आरोप लगाएका छन् ।

उपमेयर पुनले शनिवार विदाका दिन मिलेमतोमा परिक्षा गराउन लागेको रोकेको तर, हातपात नगरेको जिकिर गरेका छन् । मुसिकोट नगरपालिकामा नेकपा एकीकृत समाजवादी पाटीका तर्फबाट पुन उपप्रमुखमा निर्वाचित भएका थिए । नियम कानुन र बिधि तथा प्रक्रियामा प्रश्न उठाउने थुप्रै बिकल्प हुँदा हुँदै हातपात र अश्लिल शब्द प्रयोग गरेको भन्दै कर्मचारीहरुले पनि आपत्ति जनाएका छन् ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने