राष्ट्रपति रामचन्द्र पौडेल गंगालाल राष्ट्रिय हृदय रोग केन्द्रबाट डिस्चार्ज

खोज पत्रिका बुधबार, २०८० जेष्ठ ३१, ०९ :३४ बजे

काठमाडौं । राष्ट्रपति रामचन्द्र पौडेल अस्पतालबाट डिस्चार्ज भएका छन्।

मुटुमा समस्या देखिएपछि भएपछि मंगलबार बाँसबारीस्थित शहीद गंगालाल राष्ट्रिय हृदय रोग केन्द्रमा भर्ना हुनुभएका राष्ट्रपति पौडललाई आज बिहान ८ बजे डिस्चार्ज गरिएको अस्पतालले बिज्ञप्ती मार्फत जनाएको छ।

पौडेलको मुटुको दाहिनेतर्फ एउटा नसा ७० प्रतिशत बन्द भएको पाएपछि अस्पतालमै उपचारका लागि राखिएको थियो । राष्ट्रपतिको मुटुको दाहिनेतिरको नसाबाट तार हालेर जाली खोलेर रगत सञ्चालन गरिएको थियो ।

पौडेल छाती दुख्ने, भारी हुने, गाह्रो हुने लगायत समस्या भएपछि अस्पताल पगेको बताइएको छ । चिकित्सकका अनुसार एनजिओप्लास्टी गरेपछि मुटुले कस्तो काम गर्छ भनेर दुई दिन हेर्नुपर्ने भन्दै अस्पतालमै भर्ना गरिएको थियो ।