नक्कली भुटानी शरणार्थी प्रकरणमा के गर्दैछ प्रहरी, अझै बुझाएन प्रतिबेदन

खोज पत्रिका सोमवार, २०८० जेष्ठ ८, ०२ :१० बजे

काठमाडौं । नक्कली भुटानी शरणर्थी प्रकरणका आरोपीलाई अनुसन्धानका लागी ३ दिन हिरासतमा राख्न काठमाडौं जिल्ला अदालतले प्रहरीलाई अनुमति दिएको छ । आईतबार काठमाडौ जिल्ला अदालतलले शरणार्थी प्रकरणमा मुछीएका सबै जना लाई ३ दिनको म्याद थपेको हो ।

अहिले सम्म नक्कली भुटानी शरणर्थी प्रकरणमा आरोपीको रुपमा प्रहरीले अनुसन्धानको लागि १६ जनालाई हिरासतमा राखेको छ । प्रहरीले जेठ ४ गते भुटानी शरणर्थीका नेता टेकनाथ रिजाल र हज समितीका अध्यक्ष शमशेर मियालाई पक्राउ गरेको थियो । ३ दिन अघिमात्र पक्राउ परेका रिजाल र मियालाई अनुसन्धानको लागि समय नपुगेर म्याद थपिएको हुनसक्ने देखिएको छ ।

प्रहरीले यो प्रकरणलाई संगठित अपराधअन्तर्गको कानूनअनुसार छानविन गरिरहेको छ । जुन मुद्दामा आरोपीहरुलाई ६० दिनभित्र अदालतमा मुद्दा दर्ता गरी सक्नुपर्ने कानुनी व्यवस्था छ । तर प्रहरी अहिलेसम्म अनुसन्धान प्रतिवेदन सरकारी वकिलको कार्यालयमा वुझाएको छैन । जसका कारण जिल्ला सरकारी वकिालको कार्यालयले अध्ययनका लागि थोरै समय पाउने देखिएको छ ।

यता सहन्यायधिवक्ता नेउपानेले समयमा प्रहरीले अनुसन्धान प्रतिवेदन नबुझाउँदा त्यसको दबाब सरकारी वकिल कार्यालयमा पर्ने बताएका छन् । ६० दिनभित्र अनुसन्धान सकेर अदालतमा मुद्दा दर्ता गर्नुपर्ने चापका कारण सरकारी वकिालको कार्यालयल दबाबमा पर्ने उनको भनाई छ । शुरुमा ठगीसम्बन्धी अनुसन्धान गरेको प्रहरीले अनुसन्धान गर्दै जाँदा संगठित अपराधसम्म पुगेको हो । सरकारी वकिल कार्यालयले प्रहरीको अनुसन्धानको मिसिल आएपछि मात्र यथेष्ट प्रमाणको आधारमा कस्तो मुद्दा दर्ता गर्ने वा नगर्ने भन्ने निक्र्याेल गर्ने बताएको छ ।