गृहमन्त्री र गृहसचिवले तजबिजमा गर्न पाउने सुराकी खर्च खारेज

खोज पत्रिका सोमवार, २०७९ चैत्र २०, २० :५६ बजे

काठमाडौं । गृहमन्त्री र सचिवले ‘सुराकी खर्च’को नाममा तजबिजमा रकम निकासा गर्न पाउने व्यवस्था खारेज भएको छ । सोमबार बसेको मन्त्रिपरिषद बैठकले सो निर्णय गरेको हो ।

उपप्रधान तथा गृहमन्त्री नारायणकाजी श्रेष्ठले पदबहाली लगत्तै पहिलो निर्णयमा सुराकी खर्च खारेज गर्ने निर्णय गरेका थिए । त्यसैबमोजिम मन्त्रालयले मन्त्रिपरिषद बैठकमा उक्त प्रस्ताव लगेको थियो ।

मन्त्रिपरिषदले प्रस्ताव पारित गरेसँगै सुराकी खर्च खारेज भएको हो । गृहमन्त्री र सचिव हुदा आफूखुसी गरिने करोडौं खर्च अव गर्न नपाइने भएको छ ।