तोकियो प्रधानन्यायाधीश र संवैधानिक पदाधिकारीको पारिश्रमिक, कसले कति पाउँछन् यस्तो विवरण

काठमाडौं । सरकारले कर्मचारीहरुको तलबवृद्धि भएको ६ महिनापछि न्यायाधीश र संवैधानिक पदाधिकारीको पारिश्रमिक टुंगो लगाएको छ । अर्थमन्त्रालयले राजपत्रमा प्रकाशित गर्दै न्यायाधीश र संवैधानिक पदाधिकारीको पारिश्रमिक तोकेको हो । सोही अनुसार प्रधानन्यायाधीशको नयाँ तलब १ लाख २ हजार २ सय ९३ रुपैयाँ छ ।
सर्वोच्चका न्यायाधीशहरुको तलब ८५ हजार ४३ रुपैयाँ हुन्छ । न्यायपरिषदका सदस्य र महान्यायाधीवक्ताले पनि सोही तलब पाउनेछन् । उच्च अदालतका मुख्य न्यायाधीशको तलब ८० हजार ७ सय ७ र न्यायाधीशको ७६ हजार ३ सय ८३ रुपैयाँ छ । जिल्ला न्यायाधीशको तलब ६४ हजार ८ सय ९५ रुपैयाँ तोकिएको छ ।
सर्वोच्चदेखि जिल्लासम्मका न्यायाधीशहरुको अरु सुविधा ऐनमा तोकिएको छ । संवैधानिक निकायका प्रमुखको तलब ८० हजार ७ सय ७ रुपैयाँ तोकिएको छ भने सदस्यहरुले ७७ हजार ६ सय ६० रुपैयाँ पाउनेछन् । राष्ट्रिय सूचना आयोगका पदाधिकारीहरुको हकमा पनि सोही नियम लागू हुनेछ ।
योजना आयोगका उपाध्यक्षको पारिश्रमिक ७९ हजार ३ सय ८५ रुपैयाँ र सदस्यहरुको ७७ हजार ६ सय ६० रुपैयाँ छ । संघीय संसदका महासचिवले मुख्यसचिव र सचिवहरुले नेपाल सरकारका सचिव सरह हुनेगरी सुविधा पाउने भनी राजपत्रमा जारी सूचनामा छ ।
क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #कर्मचारीहरुको तलबवृद्धि, #न्यायाधीश र संवैधानिक, #पारिश्रमिक टुंगो
ताजा खबर
- १रसुवा बाढीः प्रभावकारी उद्धारका लागि कांग्रेसले गरायो सरकारको ध्यानाकर्षण
- २रसुवामा बाढीः उद्धार र राहतमा सहभागी हुन नेता–कार्यकर्तालाई प्रचण्डको निर्देशन
- ३धादिङको त्रिशूली नदीमा २ जनाको शव भेटियो
- ४रसुवा बाढीमा ६ जना चिनियाँ नागरिकसहित १८ जना सम्पर्कविहीन, ९ जनाको उद्धार
- ५स्पेनी लगानीकर्तासँग प्रधानमन्त्री ओलीले भने, नेपालमा लगानी गर्नुस्
तपाईको कमेन्ट लेख्नुहोस्