पौनी १ बजेसम्म ३२ प्रतिशत मात्रै खस्यो मत

खोज पत्रिका आइतवार, २०७९ मंसिर ४, १९ :२८ बजे

काठमाडौं । आइतबार दिउँसो १२ बजेर ४५ मिनेटसम्म ३२ प्रतिशत मत खसेको छ। निर्वाचन आयोगले आइतबार दिउँसो पत्रकार सम्मेलन गरेर सो जानकारी गराएको हो ।

आइतबार दिउँसो १२ बजेर ४५ मिनेट जाँदा ३२ प्रतिशत मतदान भएको आयोगका प्रवक्ता शालिग्राम शर्मा पौडेलले जानकारी दिए । प्रवक्ता पौडेलले छिटपुट घटनाबाहेक शान्तिपूर्ण र उत्साहजनक ढंगले मतदान भइरहेको समेत जनाएका छन् ।

यो पटकको निर्वाचनमा विहानको समयमा मतदान गर्नेहरुको संख्या कम देखिएको उनले बताए । ‘चिसोका कारणले पनि होला विहान कम मत खसेको छ, काठमाडौंमा विहानको समयमा लाइन देखिएको छैन, १०र११ बजेपछि मात्र भिड बढेको छ’ प्रवक्ता पौडेलले भने ।

क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #३२ प्रतिशत मत