गुल्मीका एक युवकले दुबईमा जिते ३४ करोड रुपैयाँको चिठ्ठा

खोज पत्रिका बिहिबार, २०७९ अशोज ६, १७ :४२ बजे

काठमाडौं । एक नेपाली युवकले दुबईमा झण्डै ३४ करोड रुपैयाँ बराबरको चिठ्ठा जितेका छन् । केही वर्षदेखि दुबईमा कार धुने काम गरिरहेका ३१ वर्षीय भरत विकले दुवईको चर्चित मजुज चिठ्ठा जितेका हुन् । दश मिलियन अर्थात् एक करोड दिरामको सो चिठ्ठा जित्ने भरत पहिलो नेपाली हुन ।

मजुजले साप्ताहिक रुपमा खुलाउने चिठ्ठामा भरतले दुई वर्षदेखि चिठ्ठा किनिरहेका । घर फर्किने तयारीमा रहेका उनको भाग्य अन्तिम चिठ्ठाबाट चम्किएको छ । चिठ्ठा जित्नुअघिसम्म उनको दुबईमा बैंक खातासमेत थिएन । ‘म त निकै खुसी छु’ उनले भने–शनिवार राति टिभीमा लाइभ हेरिरहेको थिएँ, मैले स्क्रिनमा आफ्नै चिठ्ठा नम्बर देखेँ, त्यसपछि खुसीले सुत्नै सकिनँ ।

’ चिठ्ठा जितेको पैसाले भरतले आफ्नो ऋण तिर्न र परिवारका लागि राम्रो बन्दोबस्तीको व्यवस्था गर्न चाहेका छन । आफ्ना तीन र पाँच वर्षका दुई सन्तानका लागि यो रकम खर्च गर्ने उनले योजना बनाएका छन । उनले ब्रेन ट्युमरपछि प्यारालाइसिस भएका आफ्ना भाइको अपरेशनका लागि पनि केही पैसा खर्च गर्न चाहेको बताएका छन ।

‘चिठ्ठा जिते पनि आफूले कार धुने काम नछाड्ने बताएका छन । तीन वर्षअघि दुबई गएका भरत त्यसअघि वैदेशिक रोजगारीकै सिलसिलामा साउदी अरबमा थिए । ‘अहिलेसम्म करिब ३ हजार दुई सय नेपालीले विभिन्न श्रेणीको मजुज चिठ्ठा जितिसकेको बताइएको छ । जसमध्ये २८ जनाले पहिलो र दोस्रो श्रेणीको चिठ्ठा जितेका छन ।