Techie IT
  • १२ असोज २०७९, बुधबार
KhojPatrika

महावीर पुनलाई दिइयो एक करोड राशीको भवन कीर्ति रत्न पुरस्कार


काठमाडौं । राष्ट्रिय आविष्कार केन्द्रलाई १ करोड रुपैयाँ धनराशिको भवन कीर्ति रत्न पुरस्कार दिइएको छ । गैरआवासीय नेपाली संघ र बीबी फाउण्डेशनद्वारा मंगलबार काठमाडौंमा महावीर पुनलाई सो पुरस्कार दिइएको हो ।

शिक्षामन्त्री देवेन्द्र पौडेल लगायतले पुनलाई उक्त पुरस्कार हस्तान्तरण गरेका थिए । आविष्कार र अनुसन्धानमा महाविर पुनले खेलेको भूमिकालाई सबैले सकारात्मक रुपमा लिएको मन्त्री पौडेलले जानकारी दिए ।

मन्त्री पौडेलले असोज १ गते सरकारले विज्ञान दिवस पनि मनाउन लागेको जानकारी दिए । पुनले आविष्कार केन्द्रको शुभारम्भ मात्रै आफूले गर्न खोजेको भन्दै नेपालमा धेरै आविष्कार क्षेत्र विकास गर्नुपर्ने बताए । नेपाल गरिब भएकै कारण युवाहरु विदेशिन बाध्य भएको र उद्योगी व्यवसायीहरुले नै रोजगारीको सिर्जना गर्नुपर्ने उनले बताए ।


क्याटेगोरी : जीवनशैली, प्रमुख समाचार, राजनीति, समाचार, सामाजिक सञ्जाल
ट्याग : #१ करोड रुपैयाँ धनराशि, #गैरआवासीय नेपाली संघ, #भवन कीर्ति रत्न पुरस्कार

तपाईको कमेन्ट लेख्नुहोस्