धोबीखोला करिडोर सडकमा मन्त्री रामकुमारी झाँक्रीको छड्के,निर्माण सामग्री हटाइन

खोज पत्रिका बुधबार, २०७८ माघ १९, १६ :४७ बजे

काठमाडौं । शहरी विकास मन्त्री रामकुमारी झाँक्रीले धोविखोला करिडोर क्षेत्रमा भएको सडक अतिक्रमण अनुगमन गरेकी छन् । काठमाडौंको अनामनगर क्षेत्रमा धोविखोला करिडोर सडकमा निर्माण सामग्री थुपार्ने, पसलहरुले सामान राख्ने गर्दा सडक क्षेत्र अतिक्रमणमा परेका थिए । जसले गर्दा सवारी चालक र पैदलयात्रीले सास्ती खेप्दै आएका थिए ।

मन्त्री झाँक्रीले करिडोरमा राखिएका निर्माण सामाग्री हटाउन लगाएकी थिइन । डोजर लगाएरै त्यस क्षेत्रमा सडक ओगटेर राखिएका निर्माण सामाग्री हटाएको हो । धोबीखोला करिडोरको सडक छेउछाउमा सिमेन्ट, इँटा, पानी ट्यांकी, फलामे छड र जस्तापाता तथा बालुवा जस्ता निर्माण सामाग्री राखिएको थियो ।

यस्तै, सडकका फुटपाथ ओगटेर राखिएका ग्यारेज तथा फुटपाथ पसल समेत हटाइएको छ । फेरी सडक ओगटेर राखेमा जरिवाना गर्ने चेतावनी दिइएको छ ।