एनआरएनएलाई निर्वाचन गर्न परराष्ट्र मन्त्री नारायण खड्काको निर्देशन

काठमाडौं । निर्वाचनको मिति तोक्दै स्थगित हुँदै आएको एनआरएनएलाई निर्वाचन गर्ने बाटो खुला भएको छ । परराष्ट्र मन्त्री नारायण खड्काले गैरआवासीय नेपाली संघको निर्वाचन गर्न निर्देशन दिएपछि निर्वाचनको बाटो खुलेको हो । संघका अध्यक्ष कुमार पन्तको नेतृत्वमा मन्त्रीसँग परामर्शका लागि गएको एक प्रतिनिधिमण्डलसँगको भेटमा मन्त्री खड्काले संघको १० औं महाधिवेशन तथा निर्वाचन प्रक्रिया अगाडि बढाउन निर्देशन दिएका हुन् ।

मन्त्री खड्काले मन्त्रालयको तर्फबाट कुनै हस्तक्षेप नहुने प्रतिबद्धता व्यक्त गर्दै सबै पक्षलाई समेटेर लैजान सुझाव दिएका थिए । भेटमा गैरआवासीय नेपाली संघका पन्तले निर्वाचनको विषयलाई लिएर संघ मन्त्रालयविरुद्ध पाटन उच्च अदालतमा जाने बाध्यात्मक कदम भएको बताएका थिए । पन्तले अव एक महिनाभित्र निर्वाचन गराउने प्रतिबद्धता जनाएका छन् ।

पन्तले अगामी दिनमा मन्त्रालयसँग सहकार्य गर्दै अघि बढ्ने प्रतिबद्धता व्यक्त गर्दै संघको नयाँ नेतृत्वको लागि निर्वाचनको लागि सहयोग गर्न आग्रह गरे । प्रतिनिधिमण्डलमा गैरआवासीय नेपाली संघका महासचिव डा. हेमराज शर्मा, कोषाध्यक्ष महेश श्रेष्ठ, नेपाली जनसम्पर्क समिति बेलायतका सभापति युवराज गुरुङ, गैरआवासीय नेपाली संघ बेल्जियमका पूर्वसभापति गंगाधर गौतम पनि सहभागि थिए ।

गैरआवासीय नेपाली संघ र मन्त्रालयबीचको पत्रयुद्धपछि संघका पदाधिकारीहरूले पहिलो पटक मन्त्री खड्कालाई भेटेका हुन् । पछिल्लो भेटघाटले संघ र मन्त्रालयबीचको सम्बन्धमा सुधार हुने अपेक्षा गरिएको छ । सदस्यता विवादमा एनआरएनएमा निर्वाचन हुन सकेको छैन् । उमेद्वार घोषणा भएपनि निर्वाचन भने अनिश्चित बन्दै आएको छ ।

थप समाचार

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्

अस्ट्रेलियामा आम निर्वाचनः एक करोड ८० लाख मतदाता

भारत गोवाको लइराई देवी मन्दिरमा भागदौड, ६ को मृत्यु, ८०…

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल