पशुपति क्षेत्र विकास कोषका प्रमुख कार्यकारी निर्देशक खतिवडालाई १५ हजार जरिबाना
काठमाडौं । सूचना उपलब्ध नगराएको भन्दै पशुपति क्षेत्र विकास कोषका प्रमुख कार्यकारी निर्देशक डाक्टर घनश्याम खतिवडालाई १५ हजार रुपैयाँ जरिबाना गराइएको छ ।
सार्वजनिक निकाय पशुपति क्षेत्र विकास कोषका प्रमुख, डाक्टर खतिवडाबाट नेपालको संविधानको धारा २७ र सूचनाको हकसम्बन्धी ऐन, २०६४ को दफा ३ को उपदफा १ र २ ले प्रदान गरेको नेपाली नागरिकको सूचना माग्ने र पाउने हकको उलङ्घन भएको भन्दै उनलाई जरिबाना गरिएको राष्ट्रिय सूचना आयोगले जानकारी दिएको छ ।
झापा जिल्ला, बाह्रदशी गाउँपालिका–६, अहिले काठमाण्डौ बस्दै आएका बलबहादुर प्रधानले पशुपति क्षेत्र विकास कोषको कार्यालयमा प्रमुख डा खतिवडा र सूचना अधिकारीसमक्ष आफूसँग सरोकार भएको सूचनाको माग गरेका थिए ।
मागअनुसार कोषले सूचना उपलब्ध नगराएकाले सूचना पाउँ भनी आयोगसमक्ष पुनरावेदन गरेकामा सूचना माग कर्ताको पुनरावेदन साथै संलग्न कागजात, विपक्षीबाट प्राप्त लिखित जवाफ तथा यस आयोगबाट भएका पटक–पटकका आदेशको समेत बेवास्ता गरेपछि उनलाई जरिबाना गरिएको हो । सूचना लुकाएको र सुचना दिन नमानेका कारण खतिवडालाई जरिवाना तोकिएको आयोगले जनाएको छ ।
क्याटेगोरी : प्रमुख समाचार, राजनीति, समाचार
ट्याग : #डाक्टर घनश्याम खतिवडा, #पशुपति क्षेत्र विकास कोष
थप समाचार
ताजा खबर
- १काँग्रेस महाधिबेशनः प्रतिनिधिलाई भृकुटीमण्डपमा खाजा र खाना, होटलमा ८ सयको सुत्ने खाट
- २रुकुमपश्चिम रातामाटामा जन्ती बस दुर्घटना अपडेटः एक जनाको मृत्यु, घाइतेहरुको उपचार हुँदै
- ३एउटा हारमा कमल थापा किन पोख्दैछन् यति धेरै रिस,पूर्वराजालाई नै दिदैछन् बढी दोष
- ४अर्को महामारी कोभिडभन्दा निकै घातक हुने चेतावनी
- ५बेइजिङमा हुने शीतकालीन ओलिम्पिक्स अमेरिकी कूटनीतिज्ञहरूले बहिष्कार गर्ने
तपाईको कमेन्ट लेख्नुहोस्