सांसदलाई किन लाग्यो विवाहको न्युनतम उमेर १८ वर्ष बनाउनुपर्ने

काठमाडौं । नेपालको कानुनमा २० बर्ष नपुगी विवाह गर्न नपाइने ब्यवस्था छ । त्योभन्दा तलको उमेरमा विवाह गरे कानुनी कारवाही समेत हुन्छ । कम उमेरमा विवाह गर्दा जोखिम हुने समेत चिकित्सकहरु समेत बताउछन् । तर, सांसदहरुलाई भने विवाहको उमेर घटाउनुपर्ने प्रस्ताव अघि सारेका छन् । उनीहरुले विवाहको न्युनतम उमेर १८ वर्षमा झार्ने प्रस्ताव अघि सारेका छन् । सांसदले १८ वर्षमा बालिग हुने भएकाले विवाह गर्नका लागि थप दुई वर्षको समय राखिनु व्यवहारिक नहुने उनीहरुको भनाइ छ ।

सोमबार प्रतिनिधिसभाको कानुन, न्याय तथा माधव अधिकार समितिमा करणीसम्बन्धी कसूर र कानुनी व्यवस्थाबारे छलफल थियो । वैठकमा सांसदहरु नेपाली कांग्रेसका मीन विश्वकर्मा, लोकतान्त्रिक समाजवादी पार्टीका लक्ष्मणलाल कर्ण, नेकपा माओवादी केन्द्रका मातृका यादव र नेकपा एमाले सांसद तथा समिति सभापति कृष्णभक्त पोखरेलले यस्तो बताएका हुन् । १८ वर्षमा स्वेच्छाले शारीरिक सम्पर्क गर्न पाउने कानुनी व्यवस्था भएपछि विवाहका लागि २० वर्षको उमेर तोकिनु उचित नहुने कांग्रेस सांसद मीन विश्वकर्माले बताउछन् ।

बालक हुने उमेर १८ वर्ष । विवाह गर्ने उमेर २० बर्ष । यो के भनेको ? कानुन बनाउँदा हामीले बुझेनौं कि ?’ उनले भने । पछिल्लो समय १६ देखि १८ वर्षका केटाकेटीले आत्महत्या गरेको धेरै घटना आएको भन्दै सांसद विश्वकर्माले वालिग हुने उमेर नै १६ वर्षमा झार्नुपर्ने धारणा राखे । पहिले प्रविधिको कुनै प्रयोग थिएन १६ वर्षमै साबालक हुन्थ्यो । अहिले ४ बर्षको बच्चाले भिडियो गेम खेल्छ । ८ वर्षमा गाडी कुदाउँछ हामी १८ वर्षमा साबालक भन्छौं । यसबारे अध्ययन गरौं र कानुनी सुधार गरौं’ सांसद विश्वकर्माको प्रस्ताव छ । माओवादी केन्द्रका सांसद मातृका यादवले विवाहको न्युनतम उमेर घटाउनैपर्ने बताए ।

बिहे गर्ने न्यूनतम उमेर हदका कारण लिभिङ टुगेदरमा बस्ने र पछि मन नमिलेपछि बलात्कारको उजुरी पर्ने प्रवृत्ति पनि बढेको भन्दै सांसद यादवले लिभिङ टुगेदर पनि दर्ता गर्नुपर्ने बताए । लोकतान्त्रिक समाजवादी पार्टीका सांसद कर्णले पनि बिहे गर्ने न्युनतम उमेर हद २० वर्षलाई पुनर्विचार गर्नुपर्ने बताए । समिति सभापति पोखरेलले विवाह गर्ने न्युनतम उमेर १८ बर्षमा झार्नुपर्ने भनी किटान नै गरे । ‘अब विवाहको उमेर १८ मा झार्नुपर्छ’ सभापति पोखरेलले भनेका थिए ।

थप समाचार

पत्रकार दिलभूषण पाठक जिल्ला अदालत उपस्थित

ट्रम्पले गरे भियतनामसँग व्यापार सम्झौताको घोषणा

मध्यपुर थिमिमा सौन्दर्य कलाको तालिम

कसरी भयो प्रधानन्यायाधीस नै अल्पमतमा पर्ने फैसला,४९ पदाधिकारीलाई लाभ

सुदूरपश्चिममा मन्त्री सहभागी कार्यक्रम बहिष्कार गर्ने किन गरियो घोषणा

संवैधानिक आयोगका ५२ पदाधिकारी नियुक्तिबारेको फैसला आज आउने