इजलासमा आजदेखि सरकारी पक्षको बहस,महान्यायाधिवक्तालाई ३ घण्टा समय
काठमाडौं । प्रतिनिधिसभा विघटनसम्बन्धी रिट निवेदनमाआजदेखि सरकारी पक्षको बहस गर्ने भएका छन् । आइतबार रिट निवेदनकर्ताको तर्फबाट बहस सकिएसँगै आजदेखि सरकारी पक्षको बहस सुरु हुन लागेको हो । नेपाली काँग्रेसका सभापति शेरबहादुर देउवासहित १ सय ४६ जना सांसदले दायर गरेको रिटको सुनुवाइका लागि संवैधानिक इजलासले दिएको १२ घण्टाको सीमा सकिएसंगै हिजोको वहस पनि टुंगिएको हो ।
इजलासले निवेदक पक्षलाई १२ घण्टाको समय दिएको थियो । सो समयमा रिट निवेदकका तर्फबाट ३६ कानून व्यवसायीले बहस गरेका थिए । प्रधानन्यायाधीश चोलेन्द्रशम्शेर जबरा, वरिष्ठतम् न्यायाधीश दीपककुमार कार्की, मीरा खड्का, ईश्वरप्रसाद खतिवडा र डाक्टर आनन्दमोहन भट्टराईको संवैधानिक इजलासमा गत बुधबारदेखि नियमित बहस शुरु भएको हो । आज शुरु हुने सरकार पक्षको वहसका लागि इजलासले १५ घण्टाको समय दिएको छ । सो अवधिको १ घण्टा रिट निवेदनमा विपक्षी बनाइएको सभामुखका कानुन व्यवसायीहरुलाई छुट्याइएको छ ।
सरकारी पक्षले गरेको आन्तरिक व्यवस्थापन अनुसार महान्यायाधिवक्ता बडालले ३ घण्टा र नायब महान्यायाधिवक्ता पदम पाण्डेले २ घण्टा बहस गर्नेछन् । सरकारी पक्षले पाएको १४ घण्टामध्ये प्रधानमन्त्री र राष्ट्रपतिका निजी कानुन व्यवसायीका लागि साढे ६ घण्टा समय छुट्टयाइएको छ । यसअघि शेरबहादुर देउवासहित १ सय ४६ रिट निवेदकको तर्फबाट ३६ जना कानुन व्यवसायीले १२ घण्टा बहस गरेका थिए ।
क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #प्रतिनिधिसभा विघटन, #बहस सुरु
थप समाचार
ताजा खबर
- १हेलिकप्टर दुर्घटना भारतीय रक्षाध्यक्ष विपिन रावतको अवस्था चिन्ताजनक, ११ जनाको शव भेटियो
- २कांग्रेस महाधिबेशन : उपसभापतिमा एक दर्जनबढी आकांक्षी, कसले मार्ला बाजी
- ३नेपाल बारका पदाधिकारीलाई एमाले अध्यक्ष ओलीको कडा जवाफ,राणामाथि महाअभियोग लगाइदैन
- ४गाउँपालिकामा अध्यक्ष र उपाध्यक्षबीच कुटाकुट,अध्यक्षको दुई वटा दाँत भाँचियो
- ५शशांक कोइराला सभापतिको दाबेदारबाट पछि हटे,रामचन्द्र,शेखर र प्रकाशमानको सहमति हुन बाँकी
तपाईको कमेन्ट लेख्नुहोस्