उपेन्द्र यादव समूह निर्वाचन आयोगमा, पार्टीको वैधानिकता आफूलाई दिन दावी

खोज पत्रिका शुक्रबार, २०७८ असार ४, २१ :३६ बजे

काठमाडौं । जनता समाजवादी पार्टीका अध्यक्ष उपेन्द्र यादव सहितका नेताहरु निर्वाचन आयोग गएका छन् । अध्यक्ष यादवले पार्टीको वैधानिकता आफूहरुलाई दिन निर्वाचन आयोगलाई आग्रह गरेका छन् । बिहीबार बसेको कार्यकारिणी समितिको बैठकले वैधानिकता दावी गर्ने निर्णय गरेको थियो ।

यसअघि १७ जेठमा अर्का अध्यक्ष महन्थ ठाकुर सहित चार जनालाई पार्टीबाट निष्कासन गर्ने निर्णय आयोगमा बुझाइएको थियो । सोही दिन ठाकुरले पनि यादवलाई निष्कासनको पत्र बुझाएका थिए । आयोगले ३० जेठमा दुवै समूहको मागदावी अनुसार दल दर्ता किताब अद्यावधिक नगर्ने निर्णय गरेको थियो ।

यसपछि यादव राजनीतिक दल सम्बन्धी ऐन–२०७३ को दफा ४३ अनुसार दलको वैधानिकता दावी गर्दै फेरि आयोग गएका हुन् । आयोगले आफनो मागको सुनुवाई नगरे सर्बोच्च अदालत जाने निर्णय जसपाको यादव समूहले गरेको छ ।
यस्तो छ यादवले आयोगसँग गरेको दाबी