काठमाडौं उपत्यकासहित ७० बढी जिल्लामा एकसाता थपियो निषेधाज्ञा

काठमाडौं । उपत्यकासहित देशका ७० वटा जिल्लामा आजदेखि निषेधाज्ञा थपिएको छ । गृह मन्त्रालयले दिएको पछिल्लो विवरणअनुसार धेरैजसो जिल्लाले असारको पहिलो सातासम्म निषेधाज्ञा थपिएका हुन् । सुनसरी, बझाङ, मुगु, लमजुङ र रुकुम पूर्वको निषेधाज्ञा थप भएको विवरण प्राप्त भइ नसकेको गृह मन्त्रालयले जानकारी दिएको छ ।

सबैजसो जिल्लामा जनजीवनलाई विगत भन्दा केही खुकुलो बनाउँदै निषेधाज्ञा थपिएको छ । निषेधाज्ञा खुकुलो बनाउँदै लगिएपनि स्वास्थ्य मापदण्डलाई भने अझै पूर्णरूपमा पालना गर्न चिकित्सकहरुले सुझाब दिएका छन् । कोभिड–१९ को संक्रमण रोकथाम तथा नियन्त्रणका लागि विभिन्न जिल्लामा विगत एक महिनाअघिदेखी निषेधाज्ञा लगाइँदै आइएको छ ।

कोरोना रोकथामका लागि अवस्था र आवश्यकता हेरेर निषेधाज्ञा लगाउने अधिकार सरकारले स्थानीय प्रशासनलाई दिए अनुसार स्थानीय तह र जिल्ला प्रशासन कार्यालय मार्फत निषेधाज्ञाको आदेश जारी हुँदै आएको छ । निषेधाज्ञा थपिएका जिल्लामध्ये ताप्लेजुङ र मुस्ताङमा भने जिल्लाभर नभएर केही स्थानमा आंशिक निषेधाज्ञा गरिएको छ ।

थप समाचार

३१ वर्षदेखि थन्किएको सरकारी जग्गासम्बन्धी प्रतिवेदन कार्यान्वयन गर्ने सरकारको निर्णय

सरकारलाई ट्रेड युनियन हटाउने बाटो खुल्यो, अन्तरिम आदेशले पाएन निरन्तरता

आकु ब्रान्डको पानी, उपभोक्ताको स्वास्थ्यमा मनोमानी, भेटियो खतरनाक अखाद्य वस्तु

जेनजी आन्दोलनका ४५ बलिदानीको कथा समेटिएको ‘अधुरा सपना’ पुस्तक विमोचन

संसद अवरोध हटाउन सभामुखलाई सकस, प्रधानमन्त्रीको जवाफ माग्दै प्रतिपक्षको निरन्तर…

करका दर हेरफेरको विषयमा संसदीय छानविन गर्न राप्रपाको माग