Techie IT
  • २१ साउन २०७८, बिहीबार
KhojPatrika

कांग्रेसले लगाउला त आज महाधिबेशनको टुंगो


काठमाडौं । नेपाली काँग्रेसको पदाधिकारी बैठक शनिबार बुढानीलकण्ठमा बस्दैछ । सभापति शेरबहादुर देउवाले दिउँसो २ बजेको लागि बोलाइएको बैठकमा आसन्न महाधिवेशनको विषयमा छलफल हुने बताइएको छ ।

संवैधानिक व्यवस्था अनुसार आगामी भदौसम्ममा पार्टीको १४ औं महाधिवेशन सम्पन्न गरिसक्नुपर्ने अवस्था भए पनि कोरोना महामारीका कारण कार्यतालिका प्रभावित हुने भएपछि सोही विषयमा छलफल गर्न पदाधिकारी बैठक बोलाइएको नेपाली काँग्रेसले जनाएको छ ।

पूर्व निर्धारित कार्यतालिकाअनुसार असारमा वडा तहको अधिवेशन सुरु गर्नुपर्ने हुन्छ । तर, अहिलेसम्म क्रियाशील सदस्यताको टुंगो समेत नलागिसकेको अवस्थामा कार्यतालिका अनुसार महाधिवेशन गर्न कठिन देखिएको छ ।

हालसम्म झण्डै ८ लाख क्रियाशील सदस्यको विवरण डेटा सिस्टममा इन्ट्री भएको छ, तर त्यसलाई प्रकाशित गरेर उजुरी समेत आह्वान गर्न बाँकी छ । कोरोना कहरमा पनि महाधिबेशन गर्नेपर्ने बाध्यतामा कांग्रेस छ ।


क्याटेगोरी : देश/दुनियाँ, राजनीति, समाचार
ट्याग : #नेपाली कांग्रेस, #पदाधिकारी बैठक

तपाईको कमेन्ट लेख्नुहोस्