राष्ट्रपति बिद्यादेवी भण्डारीको असन्तुष्टि

काठमाडौं २० चैत । राष्ट्रपति विद्यादेवी भण्डारीले राज्यका विभिन्न अंगलाई विवादमा ल्याउने प्रयास भइरहेको बताएकी छन् । बुधबार न्यायाधीशहरुको तेस्रो राष्ट्रिय सम्मेलनमा राष्ट्रपति भण्डारीले बिना कारण राज्यका निकायप्रति जनतामा भ्रम फैलाउने प्रयास भइरहेको भन्दै असन्तुष्टि जनाएकी हुन् । राष्ट्रपतिले हेलिकप्टर किन्न लागेको तथा आवात जावतमा पनि अनावश्यक बाटो जाम गरेको भन्दै चर्को आलोचना भइरहेको बेला उनले यस्तो असन्तुष्टि जनाएकी हुन् । उनले कुनै व्यक्तिको आचरण र व्यवहारलाई जोडेर समग्र संस्थाको विश्वसनियता र मानमर्यादामा ह्रास आउने गरी विवादित बनाउने प्रयासलाई समयमै पहिचान गरी तत्काल निरुत्साहित गरी कारवाही गर्न आग्रह गरिन । बुधबारदेखि राजधानीमा सुरु भएको तेस्रो राष्ट्रिय सम्मेलन शुक्रबारसम्म चल्नेछ ।

थप समाचार

अस्ट्रेलियामा आम निर्वाचनः एक करोड ८० लाख मतदाता

भारत गोवाको लइराई देवी मन्दिरमा भागदौड, ६ को मृत्यु, ८०…

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै