अफगानिस्तानको काबुल विमानस्थलमा आतंकवादी हमाल हुने अमेरिकाको चेतावनी
काठमाडौं । अमेरिकाले अफगानिस्तानको राजधानी काबुलस्थित हामिद कारजाई अन्तर्राष्ट्रिय विमानस्थलमा आतंकवादी संगठन आइएसले आक्रमण गर्न सक्ने चेतावनी दिएको छ । अमेरिकाले रक्षा मन्त्रालयले सुरक्षा अलर्ट जारी गर्दै अमेरिकी नागरिकलाई काबुल विमानस्थलमा खतार रहेको बताएको हो ।
अफगानिस्तानमा तालिबानले सत्ताकब्जा गरेपछि अमेरिकाले काबुलमा रहेका आफ्ना नागरिकलाई धमाधम ओसारी रहेको छ । उद्दारको काम नसकिँदै आइएसले विमानस्थलमा आक्रमण गर्न सक्ने भन्दै अमेरिकाले उद्दारको वैकल्पिक मार्ग खोजी भइरहेको समेत बताएको छ । काबुल विमानस्थलमा आइएसको आक्रमणबारे अमेरिकाले थप जानकारी दिएको छैन । साथै आइएसले समेत विमानस्थलमा आक्रमणको कुनै चेतावनी दिएको छैन ।
विमानस्थलको टर्मिनल बाहिर लगातार भइरहेको भीड, प्रदर्शन र नाराबाजीकाबीच अमेरिकाले यस्तो चेतावनी दिएको हो । तालिबानले एक हप्ताअघि अफगानिस्तान कब्जामा लिएपछि हालसम्म विमानस्थलबाट १७ हजार मानिस बाहिरिएका छन् । हाल काबुल विमानस्थल अमेरिकी सेनाको नियन्त्रणमा छ । यीमध्ये २ हजार ५ सय अमेरिकी नागरिक रहेको बताइएको छ ।
क्याटेगोरी : विदेश
थप समाचार
ताजा खबर
- १सर्बोच्चको ७० बर्षे इतिहासमा प्रधानन्यायधीशको इजलास र पेशी तोक्ने तजबिजी अधिकार खोसियो
- २प्रेस सेन्टरले चयन गर्यो काठमाडौं र ललितपुरमा नयाँ नेतृत्व, ललितपुरमा कार्की र काठमाडौंमा बराल
- ३राजसंस्था र हिन्दु राष्ट्र राप्रपाको महाधिवेशन एजेण्डा, कमल थापा र राजेन्द्र लिङ्देनको भिडन्त
- ४राप्रपा महाधिबेशन आजदेखि,कमल थापा र राजेन्द्र लिङ्देनबीच भिडन्त
- ५विश्वको कान्छो गणतान्त्रिक देश बन्यो बार्बेडोस
तपाईको कमेन्ट लेख्नुहोस्