Techie IT
  • ३१ जेठ २०८१, बिहीबार
KhojPatrika

सहकारी बैंकका कर्मचारीहरूलाई निरन्तर क्षमता अभिवृद्धि तालिम प्रदान


काठमाडौं । राष्ट्रिय सहकारी बैक लिमिटेडले आफ्ना कर्मचारीहरूलाई निरन्तर क्षमता अभिवृद्धि तालिम प्रदान गरेकोे छ । काठमाडौँमा चैत्र १७ गते देखि आयोजना गरिएको २ दिवसीय तालिममा बैंकको केन्द्रीय कार्यालय तथा शाखा कार्यालयमा कार्यरत सहायक स्तरका २५ जना कर्मचारीहरूको सहभागिता रहेको थियो ।

तालिम समापनको अवसरमा सनिबार आयेजित कार्यक्रममा बोल्दै बैंकका नायब महाप्रबन्धक राजेश श्रेष्ठले कर्मचारीहरूको क्षमता अभिवृद्धि गरी बैंकको साख र गरीमा वृद्धिमा कर्मचारीहरूलाई सरिक बनाई छिटो छरितो, गुणस्तरीय र प्रविधियुक्त सेवा सञ्चालनका लागि कर्मचारीहरूलाई दक्ष बनाउने उद्देश्यले बैंकले तालिम सञ्चालन गरेको दाबी गरे ।

तालीममा सहभागीहरूलाई नायब महाप्रबन्धक श्रेष्ठले प्रमाण पत्र वितरण गरेका थिए । तालिमको पहिलो दिन उत्कृष्टता सदस्य सेवा, कागजात तथा जालसाजी र जाली मुद्राको प्रमाणीकरणको विषयमा मुकुल प्रधान र ज्ञानेन्द्र कार्कीले र दोस्रो दिन बैंकका सूचना सुरक्षा अधिकृत विपुल गौतमले साइबर सुरक्षाको विषयमा प्रस्तुतीकरण दिएका थिए । समापन कार्यक्रमको सञ्चालन बैंकका वरिष्ठ अधिकृत मिना कुमारी शर्माले गरेकी थिइन ।


क्याटेगोरी : अर्थ, प्रमुख समाचार

तपाईको कमेन्ट लेख्नुहोस्