कर्णालीपछि सुदूरपश्चिममा पनि ओलीलाई धक्का, मुख्यमन्त्रीले भट्टले पाए विश्वासको मत

खोज पत्रिका मङ्लबार, २०७८ जेष्ठ २५, १४ :४९ बजे

कैलाली । सुदूरपश्चिम प्रदेशको मुख्यमन्त्री त्रिलोचन भट्टले विश्वासको मत पाएका छन् । मुख्यमन्त्री पदमा निरन्तरताका लागि मंगलबार प्रदेशसभामा भएको मतदानमा उहाले विश्वासको मत प्राप्त गर्न सफल भएका हुन् । मतदानमा ५१ जना प्रदेश सांसद सहभागी भएका थिए । मुख्यमन्त्रीको पक्षमा ३० जनाले मतदान गरे भने उहाको विपक्षमा ९ मतमात्र पर्यो ।

नेकपा एमालेको माधव नेपाल पक्षधर १७ जना र माओवादी केन्द्रका १३ सांसदले पक्षमा मतदान गरेका हुन् । विपक्षमा मत दिनेमा जसपाका २ र एमालेका ७ सांसद छन् । मतदानमा कांग्रेसका १२ जना सांसद भने मतदानमा तथष्ट बसेको सभामुख अर्जुनबहादुर थापाले जानकारी दिए । सभामुख थापाले विश्वासको मतको पक्षमा परेको मत बहुमत भएकाले मुख्यमन्त्री भट्टको सरकारले बिश्वासको मत प्राप्त गरेको घोषणा गरेका थिए ।

माओवादी केन्द्रका १३ सांसद रहेकामा एमाले संसदीय दलले समेत समर्थन गर्ने निर्णय गरेपछि भट्टको मुख्यमन्त्री पद जोगिएको हो । प्रदेशसभामा सभामुख बाहेक एमालेका २४ जना सदस्य छन् । मतदान अघि प्रदेशसभामा उठेको प्रश्नको जवाफ दिदै मुख्यमन्त्री भट्टले मुख्य चुनौती अहिलेको व्यवस्थालाई कसरी बचाउने र संविधानले दिएको अधिकारलाई प्रयोग गर्दै समग्र विकासको कार्य अघि बढाउने रहेको बताएका छन ।

जनताले काम गर्नका लागि पाँच बर्षको समय दिएको र उक्त समयलाई अधिकतम जनताको काममा खर्चिने उनले बताएका छन् । कर्णाली प्रदेशपछि प्रधानमन्त्री केपी शर्मा ओलीलाई सुदुरपश्चिममा पनि माधव नेपाल समूहले गर्दा धक्का लागेको छ ।

क्याटेगोरी : प्रमुख समाचार, ब्रेकिंग न्युज, राजनीति, समाचार
ट्याग : #त्रिलोचन भट्ट, #विश्वासको मत