काठमाडौंमा फेरि जोरबिजोर प्रणाली, १६ सिट क्षमताभन्दा माथिका सवारी चल्ने

खोज पत्रिका बिहिबार, २०७७ भदौ २५, ०० :२१ बजे

काठमाडौं । उपत्यकामा बिहीबारदेखि फेरि जोरबिजोर प्रणाली लागू भएको छ । १६ सिट क्षमताभन्दा माथिका सार्वजनिक यातायातका साधनमा जोरबिजोर लागू गर्ने निर्णय भएको हो । तीन सातादेखि जारी निषेधाज्ञालाई थप खुकुलो बनाउँदै १६ सिट क्षमताभन्दा माथिका सार्वजनिक यातायातका साधनमा जोरबिजोर लागू गर्ने निर्णय भएको काठमाडौंका प्रमुख जिल्ला अधिकारी जनकराज दाहालले जानकारी दिए ।

यस्तै, सबै किसिमका निजी सवारीका साधनमा पनि जोरबिजोर नियम लागू गर्ने निर्णय गरिएको हो । यसैगरी उपत्यकामा सञ्चालित डिपार्डमेन्टल स्टोर र सपिङ मल सञ्चालनका लागि पनि समय निर्धारण भएको छ । अव बिहान ११ बजेसम्म र साँझ फेरि ४ बजेपछि पनि सञ्चालन हुन पाउनेछन् ।

मंगलबार उपत्यकाको कोभिड–१९ जिल्ला क्राईसिस म्यानेजमेन्ट सेन्टर (डिसिसीएमसी) को बैठकमा निषेधाज्ञा थप खुकुलो बनाउनेबारे छलफल भएको थियो । सरोकारवालाले निषेधाज्ञा खुकुलो बनाउन सुझाव दिएका थिए । काठमाडौंका प्रमुख जिल्ला अधिकारी दाहाल, ललितपुरका प्रजिअ नारायण प्रसाद भट्ट र भक्तपुरकी प्रजिअ हुमकला पाण्डे सम्मिलित बैठकले भेला जम्मा भएर मेला महोत्सव मनाउन र भोज, भतेर गर्न निषेध गरेको छ । ब्यूटी पार्लर र कपाल काट्ने ब्यवसाय पनि खोल्न पाइने छैन ।

क्याटेगोरी : प्रमुख समाचार, ब्रेकिंग न्युज, राजनीति, समाचार
ट्याग : #उपत्यकामा निषेधाज्ञा खुकुलो, #काठमाडौंमा फेरि जोरबिजोर प्रणाली