कोरोनाबाट मृत्यु हुनेको संख्या ७४ पुग्यो, पोखरामा थप एक जनाको मृत्यु

खोज पत्रिका आइतवार, २०७७ साउन २५, ११ :४५ बजे

काठमाडौं । नेपालमा कोरोना भाइरसबाट मृत्यु हुनेको संख्या ७४ पुगेको छ । कोरोना संक्रमणबाट थप एकको मृत्यु भएपछि संख्या ७४ पुगेको हो । पोखरा स्वास्थ्य विज्ञान प्रतिष्ठान कोभिड–१९ उपचार केन्द्रमा उपचाररत ६२ वर्षीय पुरुष मृत्यु भएको छ । मधुमेहका रोगीसमते रहेका उनको गएराति साढे ११ बजे मृत्यु भएको पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पताले जानकारी दिएको छ।

पोखरा महानगरपालिका–१९ का संक्रमित साउन १९ गते अस्पतालमा भर्ना भएका थिए । आइसीयूमा उपचाररत अवस्थामा संक्रमितको मृत्यु भएको अस्पतालले जनाएको छ । पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पतालमा कोरोनाबाट मृत्यु हुनेको संख्या यो सँगै ३ जना पुगेको छ ।