Techie IT
  • ६ कात्तिक २०७८, शनिबार
KhojPatrika

नेपालमा कोरोनाबाट मृत्यु हुनेको संख्या ६६ पुग्यो


काठमाडौं । नेपालमा कोरोना भाइरसबाट संक्रमित थप एक जनाको मृत्यु भएको छ । बुधबार कोरोना संक्रमण पुष्टि भएका सिरहाको गोलबजार–१२ का २३ वर्षीय युवकको धरानमा मृत्यु भएको हो । उनको बिहीबार राति मृत्यु भएको अस्पतालले पुष्टि गरेको छ । संक्रमित युवा पछिल्लो तीन वर्ष देखि किड्नीको समस्याबाट पनि ग्रसित भएको बताइएको छ ।

मृतक युवाको शव सिरहा ल्याएर दाहसंस्कार गर्ने तयारी भएको जिल्ला स्वास्थ्य कार्यालयले जनाएको छ । कोरोना संक्रमणबाट मृत्यु भएका ब्यक्तिको शव नेपाली सेनाले व्यस्थापन गर्दै आएको छ । योसँगै नेपालमा कोरोना संक्रमणबाट मृत्यु हुनेको संख्या ६६ पुगेको छ ।

अहिलेसम्म ४ लाख १९ हजार ५ सय ७५ जनाको पीसीआर परीक्षण गरिएकोमा २१ हजार ७ सय ५० जनाको रिपोर्ट पोजेटिभ आएको छ । जसमध्ये १५ हजार ३ सय ८९ जना उपचारपछि निको भएका छन् । ६ हजार २ सय ९६ जना आइसोलेशनमा तथा ९ हजार ४ सय ७० जना क्वरेण्टीनमा रहेका स्वास्थ्य तथा जनसंख्या मन्त्रालयले जनाएको छ ।


क्याटेगोरी : देश/दुनियाँ, ब्रेकिंग न्युज, समाचार, स्वास्थ्य
ट्याग : #कोरोना भाइरस, #थप एक जनाको मृत्यु, #मृत्यु हुनेको संख्या ६६

तपाईको कमेन्ट लेख्नुहोस्