एकैदिन विश्वमा २ लाख ३८ हजारभन्दा धेरैमा कोरोना संक्रमण, २ लाखभन्दा धेरै निको

खोज पत्रिका बुधबार, २०७७ साउन १४, ०७ :४० बजे

काठमाडौं । पछिल्लो २४ घण्टामा विश्वभर २ लाख ३८ हजारभन्दा धेरैमा कोरोना भाइरस संक्रमण पुष्टि भएको छ । यो अहिलेसम्मकै धेरै संक्रमण हो । केही समययता नयाँ बिरामी थपिने क्रम बढेकामा पछिल्लो २४ घण्टामा अहिलेसम्मकै धेरै बिरामी थपिएका हुन ।

यसअघि हिजो २ लाख १८ हजार र अस्ति २ लाख २४ हजार बिरामी थपिएकामा २४ घण्टामा २ लाख ३८ हजार नयाँ बिरामी थपिएका हुन् । योसँगै विश्वभर सङ्क्रमितको सङ्ख्या १ करोड ६८ लाख ७४ हजार नाघेको छ । जसमध्ये १ करोड ४ लाख ३३ हजार मानिस उपचारपछि निको भएका छन् ।

२४ घण्टामा २ लाखभन्दा धेरै निको भएका छन् । पछिल्लो २४ घण्टामा सबैभन्दा धेरै संयुक्त राज्य अमेरिकामा ६१ हजार, भारतमा साढे ४९ हजार र ब्राजिलमा ४१ हजार कोरोना संक्रमित थपिएका छन् ।

क्याटेगोरी : प्रमुख समाचार, ब्रेकिंग न्युज, साहित्य
ट्याग : #कोरोना भाइरस, #विश्वभर