३२ जना प्रहरीमा कोरोना संक्रमण, भय र त्रासका बीच खटिन बाध्य

खोज पत्रिका आइतवार, २०७७ जेष्ठ २५, १७ :४७ बजे

काठमाडौ । शनिबार साँझसम्म कोरोनाको संक्रमण रोकथाम तथा नियन्त्रणका लागि खटिने ३२ जान प्रहरी अधिकृत तथा जवानमा संक्रमण पहिचान भएको छ । प्रहरी प्रवक्ता निरजबहादुर शाहीले सबैभन्दा बढी प्रदेश २ मा २२ जना संक्रमित पहिचान भएको जानकारी दिए । संक्रमित मध्ये १४ जनाले कोरोना जितिसकेका छन् । बाँकीको विभिन्न अस्पतालको आइसोलेसनमा उपचार भइरहेको छ ।

शनिबार मात्रै दुई जना प्रहरीमा कोरोना पुष्टि भएको थियो । प्रदेश २ का प्रहरी निरीक्षकसहित २२ जनामा संक्रमण देखिएकोमा ७ जना निको भएर ब्यारेकमै सेल्फ क्वारेन्टाइनमा छन् । २ नम्बर प्रदेश सभामा खटिएका प्रहरीका ५ मर्यादापालकमा समेत कोरोना संक्रमण पुष्टि भएको छ । आफ्नै सहकर्मीमा संक्रमण देखिदा कतिपय सुरक्षाकर्मीमा भय र त्रास बढेपनि जोखिमकाबीच सावधानी अपनाएर आफ्नो जिम्मेवारीमा खटिदै आएका छन् । यसअघि संक्रमण पुष्टि भएका नेपाली सेना, सशस्त्र र राष्ट्रिय अनुसन्धान विभागका करिव १ दर्जन अधिकृत तथा जवानमा निको भएर होम क्वारेन्टाइनमा बसिरहेका छन् ।

क्याटेगोरी : देश/दुनियाँ, प्रमुख समाचार, ब्रेकिंग न्युज, समाचार
ट्याग : #कोरोनाको संक्रमण