डिल्लीबजार कारागारमा कैदी बन्दीबीच कुटाकुट, ३ जना घाइते

काठमाडौं । काठमाडौंको डिल्लीबजार कारागारमा कैदीबन्दीबीच कुटाकुट भएको छ । नाइके परिवर्तन गर्नुपपर्ने माग गर्दे आन्दोलन भइरहेको बेला कैदीबन्दीबीच कुटाकुट भएको हो । कुटाकुट हुँदा तीन जना घाइते भएका छन् । एक जनालाई भने अस्पताल लगिएको छ । घाइते भएका शमशेर तामाङ जबरजस्ती करणी मुद्दाका कैदी हुन् । कारागार भित्र रहेको एक ब्लकका नाइके गोकुल गिरीले अन्य कैदीबन्दी माथि अन्याय गरेको भन्दै नाइके परिवर्तन गर्न माग गर्दै कैदीबन्दी बीच आन्दोलन भएको थियो । आन्दोलनमा गिरी पक्षधर र अन्य कैदी बन्दीबीच झडप भएको बताइएको छ । गोकुल गिरी उपेन्द्र देवकोटाकी छोरी अपहरण गर्ने व्यक्ति हुन् । उनलाई १० वर्षको जेल सजाय तोकिएको थियो, जसमध्ये ८ वर्षको कैद भुक्तान गरिसकेका छन् ।

कारागारभित्रै हाल नाइके रहेका गोकुल गिरीले क्यान्टिन समेत चलाएका थिए । क्यान्टिन चलाए पनि अहिले बाहिरबाट मानिसहरु जान नपाएको र उनीहरुले भित्रै गरेको कामबाट पनि पैसा नआएकाले क्यान्टिनमा खान नपाएपछि कैदीहरूले आन्दोलन गरेका थिए । नाइके गिरीले क्यान्टिनबाट उधारो दिन नसक्ने भन्दै उधारो बन्द गरेपछि कैदी बन्दीहरुले खाजा खान नपाएको कारागारमा कार्यरत एक कर्मचारीले बताए । क्यान्टिनबाट खाजा खान नपाएपछि उधारोमै खान पाउनुपर्ने माग उनीहरुले गरेका थिए । नाइके गिरीले उधारो बन्द गर्दै कैदी बन्दीमाथि कुटपिट तथा अत्याचार गर्ने गरेपछि झडपको स्थिति आएको बताइएको छ ।

थप समाचार

महेश बस्नेत र दुर्गा प्रसाईँको मंसिर ७ को आन्दोलन (भिडियोसहित)

अव माइतीघरदेखि बानेश्वरसम्म आन्दोलन गर्न नपाइने, लगाइयो निषेधाज्ञा !

रुकुमपश्चिममा जिप दुर्घटना, २२ जना घाइते, ५ को अवस्था गम्भिर

उदाउँदो सूर्यलाई अर्घ्य दिएर समापन गरियो यस बर्षको छठ पर्व

टिकटक प्रयोग भएको पाइएमा खबर गर्न दुरसञ्चार प्राधिकरणको आग्रह

कञ्चनपुरका विपिन जोशी गाजाको एक अस्पतालमा फेला (भिडियोसहित)