अझै बिहिबारसम्म पानी पर्ने सम्भावना, पूर्वी र मध्य तराईमा हुरीबतास

काठमाडौं २६ चैत । केही दिनदेखि काठमाडौं उपत्यका लगायत देशभरको मौसममा सुधार आएको छैन् । अझै् केही दिन देशका अधिकांश भूभागमा वर्षा अझै नरोकिने मौसमबिद्ले जनाएका छन् । खासगरी पूर्वी तथा मध्य तराईमा भने आँधीहुरी चल्ने अनुमान जल तथा मौसम पूर्वानुमान महाशाखाले गरेको छ । यसअघि भने मौसमविदले सोमबारबाट मौसममा क्रमिक सुधार आउने बताएका थिए । तर, महाशाखाले मंगलबार ३ दिने बुलेटिन सार्वजनिक गरी अधिकांश भागमा वर्षा तथा हावाहुरी चल्ने अनु्मान गरेको हो । छिटोछिटो मौसमी प्रणाली विकसित भइरहेकोले फेरि नयाँ प्रणालीले अनुसार नै अहिले पानी पारिरहेको मौसमबिद्ले बताएका छन् । मंगलबार पश्चिममा पोखरादेखि पूर्वमा ताप्लेजुङसम्म अधिकांश स्थानमा सामान्यदेखि पूर्ण बदलीको अवस्था रहेको छ । यी क्षेत्रक अधिकांश स्थानमा पानी परिरहेको छ । काठमाडौं उपत्यकामा पनि पानी परिरहेको छ । अहिले प्रिमनसुन सक्रिय छ । नेपालमा सामान्यता मार्च, अप्रिल र मेसम्म प्रिमनसुन गतिविधि हुन्छ र जुन १० बाट मनसुन सुरु हुन्छ । अघिल्लो वर्षसँग तुलना गर्दा यस वर्ष प्रिमनसुन असामान्य तरिकाले सक्रिय भएको मौसमबिदको भनाई छ । मौसम पूर्वानुमान महाशाखाका अनुसार, मंगलबार हिमाली भेगमा हिमपातको समेत सम्भावना छ । बुधबार बिहान भने वर्षाको सम्भावना नरहेको मौमसी बुलेटिनमा उल्लेख छ । यद्यपि, अपराह्नपछि भने मेघ गर्जनसहित हल्का वर्षा हुनसक्ने अनुमान महाशाखाले गरेको छ । बिहीबार पनि देशका पूर्वी र मध्य भाग वर्षाकै चपेटामा रहनेछन् । मौसम पूर्वानुमान महाशाखाले बिहीबार यी स्थानमा मेघ गर्जनका साथ हल्का वर्षाको सम्भावना पनि रहेको जनाएको छ ।

थप समाचार

सरकारले यो वर्ष पनि भेटाएन सर्वोत्कृष्ट निजामती कर्मचारी !

संघीय निजामती र शिक्षा ऐन संसदमा दर्ता गर्ने सरकारको निर्णय

कोशीको मुख्यमन्त्रीमा हिक्मत कार्कीलाई २४ घण्टाभित्र नियुक्त गर्न परमादेश, उद्धव…

कोशी सरकार विरुद्धको रिटमा आज पनि बहस

प्रतिनिधि सभा बैठकमा आज चार जना मन्त्रीसँग प्रश्नोत्तर

अन्तर्राष्ट्रिय सम्बन्ध समितिको छलफलमा प्रधानमन्त्री