ओखलढुंगामा जीप दुर्घटना हुँदा छ जनाको मृत्यु, तीन घाइते

खोज पत्रिका आइतवार, २०७५ चैत्र १७, ०७ :३८ बजे

ओखलढुंगा १७ चैत । जिल्लाको मानेभञ्ज्याङ गाउँपालिका ६ स्थित डडुवाडाँडामा जीप दुर्घटना हुँदा ६ जनाको मृत्यु भएको छ भने तीनजना घाइते भएका छन् । मृतक मध्ये चार पुरुष र दुई महिला छन् । उनीहरुको सनाखत हुन सकेको छैन । सोलुखुम्वुको सोलुगुम्बाबाट काठमाडौं जाँदै गरेको बा१६च २२०७ नम्वरको स्कोरपियो मानेभञ्ज्याङ ६ स्थित सडकबाट ५ सय मिटर तल पिपल खोलामा खसेको हर्कपुर प्रहरी चौकीले जनाएको छ । घाइतेलाई उपचारका लागि काठमाडौं ल्याइने तयारी गरिएको छ ।

क्याटेगोरी : प्रमुख समाचार, ब्रेकिंग न्युज
ट्याग : #hot