डाक्टर श्रीमानको कुटाईबाट श्रीमतीको ज्यान गयो

काठमाडौं १५ चैत । डाक्टर श्रीमानको कुटपिटबाट उपचाररत सुनिता यादवको मृत्यु भएको छ । महाराजगन्जस्थित त्रिवि शिक्षण अस्पतालमा उपचाररत यादवको निधन भएको हो । शरीरभरि निल डाम नै निल डाम अनि छिन छिनमै बरबराउने, उठने कराउने अवस्थामा रहेकी यादवको त्रिवि शिक्षण अस्पतालको इर्मजेन्सी कक्षमा उपचारका क्रममा निधन भएको हो । चैत ६ गते बेलुका विरगन्ज महानगरपालिकास्थित हरपतगन्ज वडा नम्बर २० स्थित गाउँमा होलीको रौनक छाएको थियो । सुनिताका श्रीमान नारायणी अस्पतलामा चिकित्सक पेशामा आवद्ध थिए । १५ वर्ष पहिले हरपतगन्ज निवासी यादवसँग बाराको परवानीपुर गाउँपालिका–५ बहुवरी निवासी सुनीताको मागी विवाह भएको थियो । विवाह भएको दुईवर्ष सम्म सम्बन्ध राम्रै थियो । तर सुनिता बाट सन्तान नभएको भन्दै उनका श्रीमान डा.सचितानन्द यादवले भारतको रक्सौल जगुवलियाकी एक युवतीसँग विवाह गरेका थिए त्यस यता नै उनले सुनीतालाई मानसिक र शारीरिक यातना दिँदै आएपनि बारम्बार छलफल र सल्लाह गदै माईतीपक्षहरुले मिलाउदै आएका थिए । तर, होलीको अघिल्लो राति साढे दश बजे सुनिताका श्रीमान यादवले सुनिताका दाईलाई फोन गदै तिम्री बहिनीको स्वाथ्य अवस्था ठिक नभएको र आएर लैजान भन्दै फोन गरेका थिए । रात परेका त्यो दिन जान नसकेका उनका आफन्त भोलीपल्ट बिहानै सुनिता लाई लिन पुगेका थिए । तर, सुुनिता बोल्न सक्ने अवस्थामा थिइनन बारम्बार परिवारले के भयो भनेर प्रश्न गर्दा उनले कुनै जवाफ फर्काउन नसकेको उनका दाजुले बताए । जब उनलाई नुहाइदिनका लागि भाउजूले कपडा खोलिन् अनि जिउभरि डाम नै डाम देखियो । अकस्मात दिदिको शरीरभरी घाउ नै घाउ देखेपछि उनका भाई सन्तोषले तत्कालै घरेलु उपचार गरि वीरगन्जस्थित गण्डक अस्पतालमा लगेका थिए । कुटपिटबाटै घाउँचोट लागेको र दिदिको यस्तो अवस्था आएको उनले बताए । दोस्रो विवाह लगतै बारम्बार सुनितालाई उनका पतिले यातना दिदै आएको माईती पक्षले बताएका छन । तर,यस पटक पराकाष्ट नै नाघेपछि यो घटना बाहिर आएको हो । घटना लगतै प्रहरीले यादवलाई हिरासतमा लिएको छ । प्रारम्भीक बयान लिने क्रममा यादवले श्रीमती आफै लडेर घाईते भएको बताउदै आएका छन् । श्रीमानले नै आफू बिरामी भएको भन्दै अस्पतालको इमरजेन्सीमा बसेका छन् । शुक्रबार साँझ यादवको निधन भएपछि माइतीपक्षले कडा भन्दा कडा कारवाही गर्न प्रहरीसमक्ष अनुरोध गरेका छन् ।

थप समाचार

सडकमा हिड्दा हिड्दै कांग्रेस केन्द्रीय सदस्य अजयबाबु शिवाकोटी पक्राउ

बढ्यो पेट्रोल र डिजेलको मूल्य

मनकामना केबलकार असोज २९, ३० र कात्तिक १ गते बन्द

एमालेलाई मिनबहादुरको १० रोपनी जग्गा दान, शिलान्यास गर्ने ओलीमाथि उठ्यो…

सहकारीको एउटै प्रकरणमा सरकारको विभेद, कोही जेल कोही खुलेआम चुनौति…

राजतन्त्र विस्थापित भएको १६ बर्षसम्म पनि किन डराउछन् पूर्वराजासँग नेताहरु…