नेपाल खुशी हुने देशको एक सय औं स्थानमा

काठमाडौं ६ चैत । नेपाल विश्वको एक सय औं खुशी हुने देशको सूचीमा परेको छ । बुधबार सार्वजनिक वल्र्ड हेप्पीनेस रिर्पोट अनुसार १ सय ५६ देश मध्ये नेपालीहरू एक सय औं स्थानमा परेको हो । गत बर्ष नेपाल एक सय एक स्थानमा परेको थियो । त्यतिबेला ४.८८ अंक पाएको नेपालले यसबर्ष ४.९१ अंक प्राप्त गरेको छ । प्रतिवेदन अनुसार विगत बाह्र वर्षमा समुदायमा प्रविधि, सामाजिक मान्यता, द्वन्द्व र सरकारी नीतिहरूले पारेको प्रभावको आधारमा खुशी मापन गरिदै आएको छ । भारत १ सय ४० औं स्थानमा छ । दक्षिण एसियाली देशमध्ये पाकिस्तान ६७, भुटान ९५, बंगलादेश १ सय २५, श्रीलंका १ सय ३० र अफगानिस्तान १ सय ५४ औं स्थानमा छ ।
धेरै खुशी हुने देश
उत्तरी युरोपी देश फिनल्याण्ड संसारकै सबैभन्दा बढी खुशी हुने देश भएको छ । फिनल्याण्डले ७.७६ अंक पाएको छ । फिनल्याण्ड पछिल्लो तीन वर्ष यता लगातार पहिलो स्थानमा पर्दै आएको छ । प्रतिवेदनअनुसार दोस्रो खुशी हुने देशमा डेनमार्क, तेस्रोमा नर्वे, चौथोमा आइसल्याण्ड, पाँचौमा नेदरल्याण्डस्, छैठौंमा स्विटजरल्याण्ड, सातौंमा स्विडेन, आठौंमा न्यूजल्याण्ड, नवौंमा क्यानडा र दशौंमा अस्ट्रेया छ । दक्षिण सुडान सबैभन्दा खराब अर्थात १ सय ५६ औं स्थानमा छ । यस्तै सेन्ट्रल अफ्रिकन रिपब्लिक, अफगानिस्तान, तान्जानिया, रुवाण्डा, यमन, मालावी, सिरिया, बोट्सवाना र हैटी संसारकै बेखुश दश देशको सूचीमा छन् । प्रत्येक बर्ष यो सूची सार्वजनिक गरिदै आइएको छ ।

थप समाचार

धरानका मेयर–उपमेयरबीच चर्कियो विवाद, उपमहानगरभित्रै कुटाकुट

दिलभूषण पाठकका नाममा उपस्थित हुन साइबर ब्यूरोले जारी गर्‍यो सूचना

एसईई नतिजा असार तेस्रो साता सार्वजनिक गर्ने तयारी

अमरेशलाई आरजुले दायर गरेको मुद्दामा अदालतले माग्यो अडियो–भिडियो

०८३ को मंसिर अघि नै महाधिवेशन हुन्छः गगन थापा

जनार्दन शर्मालाई पार्टी छोड्न नभनेको प्रचण्डको दाबी