खामेनीले भने– युद्ध शुरु भयो,आतंकवादी यहुदीमाथि कुनै दया राखिदैन

खोज पत्रिका बुधबार, २०८२ असार ४, १० :१६ बजे

काठमाडौं । इरानका सर्वोच्च नेता आयतुल्लाह अली खामेनीले इजरायलविरुद्ध युद्ध शुरु भएको भन्दै ‘आतंकवादी यहुदी शासक’सँग कुनै प्रकारको सम्झौता नहुने प्रष्ट पारेका छन् ।

अमेरिकी राष्ट्रपति डोनाल्ड ट्रम्पले इरानलाई बिनाशर्त आत्मसमर्पण गर्न चेतावनी दिए लगत्तै सर्वोच्च नेता खामेनीले सामाजिक सञ्जाल एक्समार्फत युद्ध शुरु भएको प्रतिक्रिया दिएका हुन् ।

खामेनीले भनेका छन्– हामी आतंकवादी यहुदी शासनलाई कडा जवाफ दिनेछौँ, हामी यहुदीमाथि कुनै प्रकारको दया देखाउने छैनौँ ।

यसअघि ट्रम्पले एक्स प्लेटफर्मबाटै इरानका सर्वोच्च नेता लुकेर बसेको भन्दै उनलाई चाहेको बेला निशाना बनाउन सकिने बताएका थिए ।

क्याटेगोरी : विदेश, समाचार
ट्याग : #आयतुल्लाह अली, #इजरायल