विमानस्थलबाट पक्राउ परेका व्यक्तिलाई शौच गराउँदा निष्कियो एक किलो सुन

खोज पत्रिका आइतवार, २०७९ भदौ ५, १८ :१५ बजे

काठमाडौं । अवैध रूपमा ल्याएको करिव एक सुनसहित एक जना भारतीय नागरिक पक्राउ परेका छन् ।

भारतीय नागरिक राहदानी नम्बर भी ११२२८९० वाहक ३१ वर्षीय राहुल रेमानानलाई शनिबार त्रिभुवन अन्तर्राष्ट्रिय विमानस्थलको आगमन गेटबाट प्रहरीले पक्राउ गरेको थियो ।

फ्लाई दुबईको उडानद्वारा दुबईबाट काठमाडौं आएका राहुललाई शंका लागि प्रहरीले नियन्त्रणमा लिएर काठमाडौं मेडिकल कलेजमा एक्स–रे गराउँदा पेटभित्र शंकास्पद वस्तु देखिएको थियो ।

त्यसपछि उनलाई प्रहरी वृत्त गौशालामा लगि शौच गराउने क्रममा मलद्वारबाट अर्धठोस वस्तुको ४ वटा पोका (सुन) फेला परेको बताइएको छ । थप अनुसन्धान सुरु गरिएको प्रहरीले जनाएको छ ।

क्याटेगोरी : प्रमुख समाचार, राजनीति, समाचार
ट्याग : #भारतीय नागरिक पक्राउ