भेटिएनन् माओवादी महाधिवेशनबाट चोरी भएका ल्यापटप र प्रिन्टर

खोज पत्रिका शनिबार, २०७८ पुस १७, १९ :०६ बजे

काठमाडौं । नेकपा माओवादी केन्द्रको आठौं महाधिवेशनस्थलबाट चोरी भएका ल्यापटप र प्रिन्टर भेटिएका छैनन् । महाधिबेशनको मिडिया सेन्टरबाट हराएका ल्यापटप र प्रिन्टर चोरी भएपछि हल्लाखल्ला नै भएको थियो ।

कमलादीस्थित प्रज्ञा भवनमा जारी महाधिवेशनको मिडिया सेन्टरमा राखिएको ल्यापटप र प्रिन्टर चोरी भएको तीन दिन बित्दा समेत चोर पत्ता लागेको छैन् । अहिले मिडिया सेन्टरबाट ल्यापटप र प्रिन्टर चोरी भएकाले प्रवेशमा कडाइ गरिएको छ । फोटो पत्रकारबाहेकका पत्रकारलाईसमेत प्रवेशमा कडाइ गरिएको छ ।

महाधिवेशनस्थलमा सीसीटिभी भए पनि बन्द रहेको र शुक्रबारबाट फेरि खोलिएको छ । महाधिबेशनबाटै ल्यापटप र प्रिन्टर चोरी भएपछि प्रतिनिधिहरु समेत आश्चार्यमा परेका छन् । कडा सुरक्षाकाबीच भइरहेको महाधिबेशनमा चोरी हुनु र अहिलेसम्म प्रहरीले कसैलाई पक्राउ गर्न नसक्नु दुर्भाग्य भएको प्रतिनिधिहरुले गुनासो गरेका छन् ।