अमेरिकी राष्ट्रपति बाइडेन भन्छन् अफगानिस्तानबाट सेना फिर्ता गर्ने निर्णयमा कुनै पश्चाताप छैन्

काठमाडौं । अमेरिकी राष्ट्रपति जो बिडेनले अफगानिस्तानबाट सेना फिर्ता गर्ने निर्णयमा आफूलाई कुनै पश्चाताप नभएको स्पष्ट पारेका छन । ह्वाइट हाउसमा पत्रकारहरुसँग कुरा गर्दै राष्ट्रपति बाइडेनले अमेरिकी र नाटो सेना फिर्तासंगै अफगानिस्तानमा द्वन्द्व चर्किएपनि आफूलाई सेना फिर्ता गरेकोमा कुनै दुःख नभएको बताए ।

उनले अब अफगानी नेताहरुले एकजुट भएर आफनो राष्ट्रका लागि लड्नुपर्ने पनि बताए । विद्रोही तालिबानले देशको ३४ प्रान्तीय राजधानी मध्ये कम्तीमा आठ राज्य कब्जा गरेको छ । छिटो भन्दा छिटो अन्य राज्यमा पनि कब्जा जमाउने धम्की तालिवानले दिइरहेको छ । अमेरिकाले अफगानिस्तानलाई दिएका सबै प्रतिबद्धताहरु पूरा गरिरहेको बाइडेनको भनाइ छ ।

हवाई सहयोग, सैन्य तलब र अफगान सेनालाई खाना र उपकरणको आपूर्तीमा अमेरिकी सहयोग जारी रहेको उनले बताए । विद्रोहीसंग भने अफगान सेना आफै लड्नुपर्ने उनको भनाइ छ ।

थप समाचार

अफगानिस्तान–पाकिस्तान सीमामा भएको झडपमा चार जनाको मृत्यु

यूक्रेन–अमेरिका वार्ताः शान्ति प्रक्रिया रूसको भूमिकामा केन्द्रित

अस्ट्रेलियाद्वारा प्यालेस्टिनी राज्यलाई मान्यता दिने योजना घोषणा

युनेस्कोबाट अलग हुने अमेरिकाको निर्णय

स्वास्थ्यलाई प्राथमिकता दिँदै भारतका उपराष्ट्रपति जगदीप धनखरद्वारा राजीनामा

ट्रम्पले गरे भियतनामसँग व्यापार सम्झौताको घोषणा